Qaraǵandy oblysynda KVI boıynsha epıdemıologııalyq jaǵdaıdy turaqtandyrý úshin 4 qarashada saǵat 00-de syrtqy shekaralarǵa kirýdi/shyǵýdy baqylaý úshin úsh sanıtarlyq beket jumysyn bastaıdy, dep habarlaıdy Egemen.kz.
Sondaı-aq, osy beketter arqyly júrip-turýǵa ruqsat berý úshin propusk.kz portalyn iske qosý josparlanýda.
Elde aýrýdyń ósýine baılanysty aldyn alý sharasy retinde kelesi baǵyttar boıynsha sanıtarlyq beketter ornatý týraly sheshim qabyldandy:
1. Qyzylorda - Pavlodar a/j (Molodejnyı k. mańynda).
2. Pavlodar - Baıanaýyl - Buqar jyraý-Qaraǵandy a/j (Úmitker kenti mańynda);
3. Qaraǵandy - Aıagóz - Buǵaz avtojolynyń 271-shi shaqyrymy Semeı qalasy baǵytynda (Kentóbe kenti mańynda).
Osy sanıtarlyq beketterdi arqyly ótýdi qarastyratyn saparlardy josparlaǵandar propusk.kz saıtynda óz derekterin kórsetýi kerek.
Atalmysh baǵyttar boıynsha quqyq qorǵaý organdaryna, medısına qyzmetkerleri men arnaıy qyzmetterge; halyqtyń tirshiligin qamtamasyz etý uıymdarynyń qyzmetkerlerine; júk mashınalaryna; tranzıttik kólikke; Qaraǵandy oblysyna jergilikti tirkeýmen keletin adamdarǵa; emdelýge keletin adamdarǵa ruqsatnamasyz júrip-turýǵa ruqsat etiledi. Vahtalyq jumyskerler men turǵylyqty jerinen jumys ornyna deıin jáne keri qaraı júretinder óz derekterin propusk.kz saıtta qaldyrý qajet.
Esterińizge sala keteıik, sanıtarlyq beketterde polısııa qyzmetkerleri men dárigerler kezekshilik etedi. Olar júrgizýshiler men jolaýshylardyń densaýlyq jaǵdaıyn tekseredi. Baqylaý barysynda termometrııa men saýalnama júrgiziledi.