30 qazan kúni keshke Qyzylorda qalalyq Polısııa basqarmasynyń kezekshi bólimine oblys ortalyǵynyń 25 jastaǵy turǵyn aryzdanǵan. Ol qalalyq aýrýhana aldynda bir jas jigit ony tapanshaǵa uqsas zatpen ony qorqytyp, avtokóligine mingisi kelgenin habarlapty.
Oqıǵa ornyna jedel tergeý toby tez arada jetip, jábirlenýshiden ózin qorqytqan jigittiń bet-álpetiniń sıpattamasyn alyp, polısııa ekıpajdaryna baǵyt-baǵdar beredi.
Patrýldik polısııa qyzmetkerleri júrgizgen jedel-izdestirý jumystarynyń nátıjesinde kóp uzamaı 29 jastaǵy jumyssyz azamat ustaldy. Odan aıǵaqty zat retinde oıynshyq tapansha tárkilendi.
Kúdiktige qatysty Qazaqstan Respýblıkasy Qylmystyq kodeksiniń 115-babymen sotqa deıingi tergep-tekserý bastaldy.