Batys Qazaqstanda karantın kúsheıe me?

Kúre joldyq medısınalyq qutqarý beketi – jol-kólik oqıǵa­la­ry kezinde ýaqtyly shuǵyl medısınalyq kómek kórsetýge baǵyttalǵan áleýmettik joba. Mundaı qutqarý beketteriniń ár bi­reýinde dáriger, feld­sher, dıspetcher, qutqarýshy jáne júrgizýshi-qutqarýshy ju­­mys isteıdi. Beket arna­ıy medı­sınalyq tehnıkamen, medısınalyq múlikpen, apattyq-qutqarý keshenimen jabdyqtalǵan. Olar jol kólik oqıǵasy oryn ala qalsa, zardap shekkenderge shu­ǵyl kómek kórsetip, jansaqtaý sharalaryn júzege asyra alady. Sondaı-aq jaqyn mańdaǵy emdeý mekemesine deıin jetkizedi. Qajet jaǵdaıda tikushaq qonatyndaı alańy da bar.

Bekettegi medısına qyz­met­ker­­l­eri, qutqarýshylar tek apat­­tyq jaǵdaıda ǵana emes, óz­di­ginen júgingenderge de kómek kórsetedi. Qystyń qaqaǵan aıazynda, qarly boranynda kúre joldyq medısınalyq qutqarý beketiniń ǵımaraty jylytý orny retinde de paıdalanylady. Alaıda mundaı bekette azamattardy tamaqpen qamtýǵa múmkindik joq. Qysta jolǵa shyqqan jolaýshylar osy jaǵyn da eskergenderi jón.

2019-2020 jyldary beket kúrdeli kún raıyna tap bol­ǵan tur­ǵyndarǵa 11 ret kó­mekke shyq­ty, 16 azamatqa medı­sınalyq kó­mek kórsetti, 27 adam­dy kó­shirip, 26 adamdy jy­lyt­qan.

Shyǵystaǵy kúre joldyq medı­sınalyq qutqarý beketteri myna baǵyttarda ornalasqan: О́skemen – Semeı tas jolynyń 85 shaqyrymynda (Ulan aýdany, Prıvolnoe kenti), Almaty – О́skemen tas jolynyń 889 sha­qy­­rymynda (Jarma aýdany, Ar­shaly kenti), Omby – Maı­qap­shaǵaı tas jolynyń 634 shaqy­ry­mynda (Besqaraǵaı aýdany Qarabas kenti janynda), Omby – Maıqapshaǵaı tas jolynyń 825 sha­qyrymynda (Jarma aýdany Sýyqbulaq kenti janynda).

Kúre joldardyń boıyna qut­qarý beketteri qoıylǵanymen, jolaýshylar da asa saq bolǵany abzal. Jolǵa shyqpas buryn uıaly telefonǵa kelip túsetin kún raıy týraly aqparattarǵa nazar aýdaryp otyrǵandary durys. Borannyń bolý-bolmaýyn uıaly tele­fonyńyzdaǵy «Darmen» qo­sym­shasy arqyly da bilip oty­rýy­ńyzǵa bolady.

Shyǵys Qazaqstan oblysy