Aqtaýda "Aqnıet" aqparattyq-nasıhattaý jáne ońaltý ortalyǵy" qoǵamdyq qorynyń lektor-teology Aslanbek Tynyshtyqov Mańǵystaý oblysy boıynsha qylmystyq-atqarý júıesi departamentiniń jáne oǵan baǵynysty mekemelerdiń qyzmetkerleri arasynda "Kúshtep ekstremızm. Beıbitshilik pen kelisimge jol" atty taqyrypta dáris ótkizdi, dep habarlaıdy Egemen.kz
Is-shara halyq arasynda qoǵamda turaqtylyqty, etnosaralyq jáne konfessııaaralyq kelisimdi saqtaý, destrýktıvti dinı ıdeologııaǵa azamattardyń ımmýnıtetin qalyptastyrý boıynsha memleket iske asyryp jatqan sharalardy túsindirýge baǵyttalǵan aqparattyq-túsindirý jumystaryn kúsheıtý maqsatynda uıymdastyryldy.
Lektor-teolog A.Tynyshtyqov dáris barysynda qoǵamdy shynaıylyq, bilim berý (qaıta tárbıeleý) jáne reflormalar arqyly qorǵaý kerektigin atap ótti. Sondaı-aq, oqshaýlaýdyń áleýmettik jáne psıhologııalyq túp tamyryn túsindire otyryp, zorlyq-zombylyq ekstremızmin maquldaıtyn (múmkindik beretin) áleýmettik jáne psıhologııalyq faktorlardy anyqtaý kerektigin jeke quram nazaryna jetkizdi.
Dáris sońynda qyzmetkerler ózderin qyzyqtyrǵan suraqtarǵa tolyqqandy jaýaptaryn alyp, destrýktıvti dinı ıdeologııaǵa qarsy azamattardyń ımmýnıtetin qalyptastyrý boıynsha memleket iske asyryp jatqan sharalardy keńinen talqylady.