Jaqynda Oral qalasynyń irgesindegi Krýgloozernyı kentinde úsh qabatty, 40 páterli úı paıdalanýǵa berilgen edi. Sý jańa úıdiń bir páteri alty balasyn jalǵyz baǵyp otyrǵan anaǵa buıyrdy.
Alty jyldan beri páter jaǵalap júrgen jalǵyzbasty ana Gúldarııa Tólegenqyzy men alty balasyn erekshe qýantqan «OralZemTrýbServıs» JShS dırektory Alek Kóbeev eken. Krýgloozernyı kentinde 1,5 jyldan beri jańa úı qurylysyn júrgizgen merdiger Alek Tynymgereıulynyń «Qaıyrymdylyq aıy» aıasynda bir otbasyǵa baspana syılasam degen tilegin kent ákimdigi qoldaǵan. Aqyldasa kele, tańdaý Gúldarııa Tólegenqyzynyń otbasyna túsipti. Tosynsyıǵa qatty rıza bolǵan kópbalaly ana erekshe qýanyp, qaıyrymdy kásipkerge alǵys aıtty.
Krýgloozernyı – jedel ósip, kórkeıip kele jatqan eldi meken. Oral qalasy aýmaǵynan baspana úshin jer kezeginde turǵan 1100-den asa adamǵa dál osy kenttiń janynan jer telimin berý josparlanyp jatyr. Qazir bekitilgen aýmaqtyń ınfraqurylymyn jasaqtaý, ıaǵnı sý, gaz, elektr jaryǵymen qamtý jumystary qarqyndy júrýde.
Batys Qazaqstan oblysy