Parlament Senaty Áleýmettik-mádenı damý komıtetiniń tóraǵasy, saıası ǵylymdar doktory, professor Aqan Bıjanov Almatyda Qazaqstan saıasattanýshylarynyń kongresine qatysty, dep habarlady osy palatanyń baspasóz qyzmeti.
Parlament Senaty Áleýmettik-mádenı damý komıtetiniń tóraǵasy, saıası ǵylymdar doktory, professor Aqan Bıjanov Almatyda Qazaqstan saıasattanýshylarynyń kongresine qatysty, dep habarlady osy palatanyń baspasóz qyzmeti.
Senator óz sózinde 2050 jyly álemniń eń damyǵan 30 eliniń qataryna kirý jónindegi Qazaqstan Prezıdenti Nursultan Nazarbaev alǵa qoıǵan jańa saıası baǵyttyń basty maqsatyn iske asyrýǵa saıasattanýshy ǵalymdar tikeleı qatysýy tıis ekenin atap ótti. A.Bıjanov otandyq ǵylymdy, onyń ishinde bilimniń saıasattaný salasynyń ornyqty damýyn qamtamasyz etýge baǵyttalǵan zańnamany odan ári jetildirý qajettigine nazar aýdardy. «Bilim berý júıesin jańǵyrtý jónindegi quqyqtyq bazany jetildirý, mamandardy daıarlaýda sapany qamtamasyz etý, ǵylymı zertteýlerdiń tıimdiligin arttyrý jalǵasatyn bolady», dedi senator.
A.Bıjanov, sondaı-aq, respýblıkanyń strategııalyq damýynda qazirgi zamandaǵy qaterlerge baılanysty teorııalyq-ádistemelik negizderdiń máseleleri kókeıkesti bola túskenin atap ótti. «Osyǵan qatysty alǵanda elimizdiń saıasattanýshylar qaýymdastyǵynyń aldynda qazaqstandyq qoǵamdyq qatynastar úlgisin odan ári jetildirý úshin ǵylymı negizdelgen bazamen qamtamasyz etý mindeti tur. Osy jumystar elimizdiń saıasattaný salasynyń tanylǵan ortalyqtary – Bilim jáne ǵylym mınıstrliginiń Fılosofııa jáne saıasattaný ınstıtýty, Qazaqstan Prezıdenti janyndaǵy Strategııalyq zertteýler ınstıtýty, Ál-Farabı atyndaǵy QazUÝ jáne osyǵan teńdes ǵylymı deńgeıdegi basqa mekemeler tóńireginde shoǵyrlanǵany oryndy dep sanaımyn», dedi senator.