«Jańa serpin» jataqhanasynda kimder turady?

2014 jyly Mańǵystaý oblysy ákimdiginiń qoldaýymen «Jańa serpin» baǵdarlamasy jasaqtalyp, jastardyń turmys-tirligine qoldaý kórsetýdi mindetine aldy. Mańǵystaý óńirinde ǵana áreket etken baǵdarla­ma óńirdegi jumyssyz azamattardy kásiptik oqytý, qaıta daıarlaý, bi­liktiligin arttyrý jumystaryn uıym­dastyryp, jumysqa ornala­sýyna yqpal etýdi maqsat etti. Baǵ­darlama boıynsha bilim alyp, ju­mysqa ornalasqan adamdardy arnaıy jataqhanamen qamtamasyz etý máselesi de nazardan tys qal­maı, «Jańa serpin» qurylǵan kezde 160 oryndyq jataqhanamen bas­tady. Keıin olardyń sany artyp, 500 oryndyq kelesi jataqhana osy baǵdarlama arqyly oqyp, ju­myspen qamtylǵan nemese óndi­ris­tik tájirıbege joldanǵan aza­mattarǵa berildi. Taǵy 145 oryn­dyq jataqhananyń 125 oryny boı­daq­tarǵa, 20 oryny otbasyly jan­darǵa bólingen bolatyn. Jalpy, óńir­lik baǵdarlama qatysýshylary jataqhana jaǵynan tapshylyq kórdi dep aıta almaımyz.

Biraq jataqhanadaǵy kópshilik bile bermeıtin «kóleńkeli» tus anyq­taldy. Qazaqstan respýblıkasy Sybaılas jemqorlyqqa qarsy is-qımyl agenttiginiń Mańǵystaý ob­lysy boıynsha departamentiniń QPK-niń 200-babynyń tártibimen engizilgen usynysy oblystyq ju­myspen qamtýdy úılestirý jáne áleý­mettik baǵdarlamalar basqarmasy ótkizgen onlaın jıynda qaralǵan bolatyn. Onlaın májiliste oblys­tyq jumyspen qamtýdy úılestirý jáne áleýmettik baǵdarlamalar bas­qarmasynyń «Jańa serpin» or­talyǵy» KMM-niń jataqhana ból­mesinen oryn berý, jaldaý jáne tu­rý kezinde tıisti emes tulǵalarǵa be­rilgeni týraly zańbuzýshylyq qa­raldy. Onda tergep-tekserý barysynda naqty kemshilikter anyqtaldy. Jataqhanada turý úshin «Jańa ser­pin» baǵdarlamasyna jatpaıtyn tul­ǵalarǵa oryn berilgen, sondaı-aq osy tulǵalar jataqhanada aqysyz turyp, memleketke 5 594 330 teńge zııan keltirgen.

«Jańa serpin» KMM men ja­taqhana turǵyndarynyń arasynda bólmeni jalǵa berý boıynsha sharttar bar eken. Shart boıynsha turǵyndarǵa bekitilgen tarıfke sáı­kes aı saıyn tólemaqy tóleý min­dettelgenmen, bul tek qaǵaz jú­zinde qalyp, is júzinde kelisimshart mindetteri oryndalmaǵan. Al tó­lem sharttaryna sáıkes basqarma nemese «Jańa serpin» KMM tarapy­nan turǵyndarǵa eshqandaı shara qoldanylmaǵan.

Tergep-tekserý barysynda anyq­talǵan kemshilikter eskerile otyryp, Mańǵystaý oblystyq Sybaılas jemqorlyqqa qarsy qyzmet depar­tamenti tarapynan aldaǵy ýaqytta zań buzýshylyqtarǵa jol bermeý úshin oblystyq jumyspen qamt­ý­dy úılestirý jáne áleýmettik baǵ­darl­amalar basqarmasyna usynys be­rildi. Sondaı-aq departament ta­rapynan osy basqarma men oǵan qa­­rasty mekeme qyzmetkerleriniń sy­­baılas jemqorlyqqa qarsy kú­res zańnamasynyń talaptaryn bul­jyt­paı oryndaýyna aldaǵy ýaqytta da kóńil bólinetini aıtyldy.

Sonymen, buǵan deıin kelisim­shartty kádege jarytpaı kelgen jataqhana basshylyǵy endi talap sheńberinde júrip, jataqhana ból­melerin turǵyndarǵa zańǵa saı jalǵa beretin bolady.

Mańǵystaý oblysy