Jýyrda astanadaǵy Jazýshylar úıinde jas qalamger, halyqaralyq «Shabyt» jastar syılyǵynyń laýreaty Baqytgúl Sármekovanyń «Keıipker» atty kitabynyń tusaýkeseri ótti.
Jazýshylar odaǵynyń Nur-Sultan qalasy fılıalynyń dırektory Dáýletkereı Kápuly júrgizgen sharaǵa elordalyq jazýshylar men oqyrmandar qatysty. Belgili avtorlar Tóken Áljantegi, Tolymbek Ábdiraıym jáne jas jazýshylar Esbol Nurahmet, Baqytbek Qadyr syndy basqa da kitapsúıer qaýym «Keıipker» jınaǵyna engen «Aqyndardan jeriný», «Qońyr úı, aq jıgýlı» áńgimelerin taldap, avtordyń qysqalyq konsepsııasyna hám sýretteý erekshelikterine toqtalyp, pikir bildirdi.
Aıta keteıik, «Keıipker» kitaby «Qalamger» baspasynan 2000 danamen jaryq kórip otyr.