Úılerińizde jatqan qarý, oq-dári, jarylǵysh zattar bolsa ákelip tapsyrsańyzdar aqshalaı syılyq beremiz dep úndeý tastaǵan Semeı qalalyq ishki ister basqarmasynyń nasıhatyna qulaq asqan qala turǵyndary bul kúnderi osy iske den qoıǵan.
Úılerińizde jatqan qarý, oq-dári, jarylǵysh zattar bolsa ákelip tapsyrsańyzdar aqshalaı syılyq beremiz dep úndeý tastaǵan Semeı qalalyq ishki ister basqarmasynyń nasıhatyna qulaq asqan qala turǵyndary bul kúnderi osy iske den qoıǵan.
1 qyrkúıekten bastalǵan osy aksııa aıasynda turǵyndardan 63 ótinish hat túsken, 70 qarý, 593 patron tapsyrylǵan. Jumys áli de jalǵasyn tabýda.
Aqshalaı syılyq beriledi degendi estigen qaladaǵy 1-shi shaǵyn aýdannyń 39 jasar turǵyny osydan 73 jyl buryn Germanııada shyqqan tanapshany tabys etti. Kalıbri 7,65 mm, 11 oǵy bar eken. Sapaly ekendigi kórinip tur deıdi Semeı qalalyq IIB qyzmetkeri Elýbek Ospanov. Áli kúnge deıin jaramdy, isten shyqpaǵan. «N» degen azamat suraý barysynda aıtyp bergendeı, tapanshany atasy Uly Otan soǵysynan ákelgen. Ol muny aýladaǵy garajdy jınaý kezinde taýyp alǵan. Atasy 1995 jyly qaıtys bolyp ketipti. Bul qural kez kelgenniń qanjyǵasynda júretin jaı qarý bolmaı, qundy dúnıe bolyp shyqty. Vermahtyń joǵarǵy komandalyq quramasynyń ofıserine tıesili dúnıe eken. Maıdangerdiń garajynda 68 jyl saqtalǵan tapanshaǵa krımınalıstik jáne ballestıkalyq zertteýler júrgizilip jatyr. Tapanshany ákelip, óz erkimen tapsyrǵan azamatqa 50 myń teńge aqshalaı syıaqy tabys etildi.
Raýshan NUǴMANBEKOVA.
Semeı.