Keshe Nazarbaev Ortalyǵynda Tuńǵysh Prezıdent kúni qarsańynda «Tuńǵysh – Pervyı» atty derekti fılmder aptalyǵynyń ashylý saltanaty boldy. Sharany Prezıdent Keńsesiniń bastyǵy, Nazarbaev Ortalyǵy dırektorynyń mindetin atqarýshy Mahmut Qasymbekov ashty.
Keshe Nazarbaev Ortalyǵynda Tuńǵysh Prezıdent kúni qarsańynda «Tuńǵysh – Pervyı» atty derekti fılmder aptalyǵynyń ashylý saltanaty boldy. Sharany Prezıdent Keńsesiniń bastyǵy, Nazarbaev Ortalyǵy dırektorynyń mindetin atqarýshy Mahmut Qasymbekov ashty.
«1991 jyldyń 1 jeltoqsanynda Qazaqstan halqy óziniń taǵdyryn Tuńǵysh Prezıdent Nursultan Nazarbaevqa senip tapsyrdy. Ýaqyt tańdaýdyń durys jasalǵanyn kórsetti. Qysqa merzim ishinde bizdiń el damýdyń dara dańǵylyna tústi. Elbasy aıqyndaǵan qazaqstandyq jol elimizdi tabysqa jeteledi. Eldiń erteńi jastar. Muny Elbasy únemi atap kórsetip otyrady. Memleket basshysy «Qazaqstan-2050» Strategııasyn bilimdi jáne tárbıeli jastardyń júzege asyratynyna senedi. О́zderińiz baıqap otyrǵandaı, osy sharaǵa biz ozat oqýymen jáne úlgili tártibimen kózge kórinip júrgen bilimdi jastardy jınap otyrmyz. Mundaǵy maqsat sizderge Prezıdenttiń Elbasy, azamat jáne adam retindegi kóp qyrly tulǵasyn jan-jaqty tanytý.
Biz táýelsiz Qazaqstannyń azat uly men azat qyzyn baıandy bolashaq pen kemel keleshektiń kepili dep bilemiz. Eldiń erteńi bolǵandyqtan sizderge zor úmit artamyz. Sizder ótken tarıhty bilýge, ony jasaǵan kemeńger tulǵalarǵa qurmetpen qaraýǵa tıissizder», – dedi M.Qasymbekov.
Aptalyqtyń ashylýynda kórermender nazaryna «El anasy» jáne «Úzeńgilester» atty derekti fılmder usynyldy. Atalǵan sharanyń ár kúni táýelsiz Qazaqstannyń qalyptasý kezeńin jáne memleket damýyna Prezıdent Nursultan Nazarbaevtyń qosqan eren eńbegin derekpen dáıekteýge arnalǵan. Sondaı-aq, jurtshylyq nazaryna kún saıyn kúndizgi saǵat eki men bestiń aralyǵynda eki derekti fılm usynylmaq. Kórermenderdiń deni joǵary oqý oryndary men kolledjderdiń stýdentteri men mektep oqýshylary eken.
Basqosýda ozat oqýymen jáne úlgili tártibimen kózge túsip júrgen órender de qurmetten tys qalmady. Sharada olarǵa Prezıdent Nursultan Nazarbaevtyń tilegi jazylyp, qoltańbasy qoıylǵan kitaptar tartý etildi. Sonymen qatar, aptalyq aıasynda ortalyqtyń kórme zalynda «N.Nazarbaev. О́mirbaıan» atty Elbasynyń qyzmetin jan-jaqty beıneleıtin ınteraktıvti ekspozısııa da kórermenderin kútpek.
Ábdirahman QYDYRBEK,
«Egemen Qazaqstan».