"Zań jobasynda Ulttyq qordan 2021 jylǵa arnalǵan respýblıkalyq bıýdjetke 2 700 mlrd teńge, 2022 jylǵa - 2 400 mlrd teńge, 2023 jylǵa - 2 200 mlrd teńge somasynda kepildendirilgen transfert mólsherin aıqyndaý kózdelgen", dedi QR Ulttyq ekonomıka mınıstri Rýslan Dálenov Senattyń jalpy otyrysynda.Mınıstrdiń aıtýynsha, zań jobasynda kepildendirilgen transfertti paıdalanýdyń maqsatty baǵyty anyqtalǵan.
"Ulttyq qordan kepildendirilgen transfertti yntymaqty zeınetaqylardy, respýblıkalyq bıýdjetten memlekettik bazalyq zeınetaqy tólemderin tóleýge baǵyttaý usynylady. 2021-2023 jyldarǵa aıqyndalǵan ulttyq qordan kepildendirilgen transferttiń mólsheri Ulttyq qordaǵy qarajattyń azaıtylmaıtyn qaldyǵy boıynsha IJО́ - niń 30% mólsherinde sharttardyń oryndalýyn qamtamasyz etedi", dedi mınıstr.