Sońǵy 10 aıda Quqyqtyq statıstıka jáne arnaıy esepke alý jónindegi komıteti jáne onyń aýmaqtyq organdarymen barlyǵy 170 tekserýdi tirkeýden bas tartty, onyń ishinde moratorıı sheńberinde 52 shaǵyn bıznesti tekserý bar.
2020 jylǵy 1 qańtardan bastap Qazaqstan Respýblıkasy Prezıdentiniń Jarlyǵymen elimizde shaǵyn bıznes pen mıkrokásipkerlikti tekserýge 3 jyldyq moratorıı engizildi.
Halyqtyń ómiri men densaýlyǵyna, qorshaǵan ortaǵa, zańdylyq pen qoǵamdyq tártipke yqtımal jappaı qater tóndiretin, konstıtýsııalyq qurylys pen ulttyq qaýipsizdikke tikeleı qater tóndiretin buzýshylyqtardyń aldyn alýǵa nemese olardy joıýǵa baǵyttalǵan tekserýler ǵana bul sanatqa jatpaıdy.
Atalǵan tekserýler ortalyq memlekettik nemese jergilikti atqarýshy organnyń birinshi basshysynyń sheshimi boıynsha taǵaıyndalyp, quqyqtyq statıstıka jáne arnaıy esepke alý organdarynda mindetti túrde tirkelýi tıis. Eger tekserý osy talaptarǵa jaýap bermese, Komıtet tekserýdi tirkeý barysynda bızneske qatysty negizsiz aralasýǵa jol bermeıdi.
Mysaly, moratorıı belgilegen tyıymǵa qaramastan, Almaty qalasy Alataý aýdanynyń sanıtarlyq baqylaý organdary «Jan bópe» JShS-niń qyzmetin tekserýdi taǵaıyndady. Kásipkerlik sýbektileriniń tizilimine sáıkes osy JShS mıkrokásipkerlik sanatyna jatady jáne oǵan moratorıı shekteýleri qoldanylady. Komıtet bul tekserýdi tirkeýden bas tartty.
Taǵy da bir negizsiz tekserýdi «EMARAT» JShS-ke qatysty Indýstrııalyq damý jáne ónerkásiptik qaýipsizdik komıtetiniń Almaty qalasy boıynsha departamenti taǵaıyndaýǵa tyrysqan. Moratorıı kezeńinde tekserý júrgizý tártibin buzǵany úshin memlekettik organdardyń laýazymdy tulǵalary QR ÁQBtK-niń 175-baby boıynsha ákimshilik jaýapkershilikke tartyldy.
Eger siz tekserýshi organdardyń qyzmetkerleri tarapynan zańsyz áreketterge tap bolsańyz, myna telefon nómiri boıynsha habarlaýyńyzdy suraımyz: 115 - Bas prokýratýranyń call-ortalyǵynyń biryńǵaı nómiri, ol boıynsha aqparat alýǵa jáne tekserýshilerdiń áreketterine shaǵymdanýǵa bolady.
Sonymen qatar, tekserý taǵaıyndalǵan kez kelgen kásipker www.qamqor.gov.kz aqparattyq servısinde tıisti jolǵa akt nómirin engizý arqyly tekserýdiń zańdylyǵyn teksere alady. Sol jerde organnyń ataýy, tekserý kezeńi, tekserýshi tulǵa týraly derekter shyǵady. Eger aqparat bolmasa, onda tekserý prokýratýra organdarynda tirkelmegen, ıaǵnı ol – zańsyz.