Memleket basshysy «Astana» halyqaralyq qarjy ortalyǵynyń alańynda Reseı Úkimeti basshysynyń orynbasary Alekseı Overchýk pen «Sberbank» BAQ prezıdenti, basqarma tóraǵasy German Gref bastaǵan reseılik delegasııamen kezdesti.
Is-shara barysynda reseılik delegasııa ókilderi Qazaqstan Prezıdentine sıfrlyq sheshimderdiń jobalary, sıfrlandyrý salasyndaǵy keshendi ázirlemeleri jaıynda egjeı-tegjeıli aıtyp, Sber ekojúıesin paıdalaný tájirıbesimen bólisti.
Budan keıin Qasym-Jomart Toqaev Qazaqstan Úkimetiniń basshylarymen jáne reseılik delegasııa ókilderimen ekojúıelerdi tehnologııalyq turǵydan damytý, memlekettik qyzmet kórsetý salasyn sıfrlandyrý máseleleri boıynsha ekijaqty is-qımyl jóninde pikir almasty.
Kezdesý sońynda Memleket basshysynyń qatysýymen Qazaqstan men Reseı tarapy sıfrlandyrý salasyndaǵy yntymaqtastyq týraly memorandýmǵa qol qoıdy.