Búgin, 20 qarashada Nur-Sultanda "Asyl sóz" respýblıkalyq mektebiniń sheńberinde "Myń bala" mádenı-aǵartýshylyq jobasynyń jeńimpazdaryn marapattaý rásimi ótti, dep habarlaıdy Egemen.kz.
Jeńimpazdardy marapattaý rásimine Qazaqstan halqy Assambleıasy Tóraǵasynyń orynbasary, Assambleıa hatshylyǵynyń meńgerýshisi Janseıit Túımebaev, Aqparat jáne qoǵamdyq damý vıse-mınıstri Marat Ázilhanov jáne taǵy basqalary qatysty.
Janseıit Túımebaev óz sózinde Joba Qazaqstan halqy Assambleıasynyń bastaýymen elimizdiń barlyq óńirlerinde 2015 jyldan beri iske asyrylyp jatqanyn aıtty. Joba memlekettik tildi úırenýge nıet bildirgenderge jaqsy múmkindik beretinin atap ótti. Sondyqtan Jobaǵa qatysýshylar men jeńimpazdar sany jyldan jylǵa ulǵaıyp keledi. Máselen, 2018 jyly jeńimpazdar sany 47 bolsa, 2019 jyly 57-ge deıin jetti.
Aǵymdaǵy jyly 65 adam Joba jeńimpazy atandy.
«Myń bala» jobasy sheńberinde osy jyly qazaq tiline úıretetin «Til mektebi» atty avtorlyq baǵdarlama ázirlendi, túrli etnostardyń balalary men jastaryna arnalǵan «Asyl sóz» mektebiniń kommýnıkatıvti trenıngteri men kýrstary ótkizildi. Aǵymdaǵy jyly Joba sheńberinde «Abaıdyń 175 jyldyǵy» aksııasy iske asyrylǵany aıtýly oqıǵa.
О́z kezeginde óńirlerdegi Joba jeńimpazdary da sóz alyp, atalmysh jobaǵa qatysyp óz qabiletterin kórsete bilgenderi úshin Joba uıymdastyrýshylaryna alǵystaryn bildirdi. Barlyq óńirlerdegi jeńimpazdarǵa alǵys hattar men baǵaly syılyqtar jiberildi.
Is-shara uıymdastyrýshysy – QR AQDM Qoldanbaly etnosaıası zertteýler ınstıtýty.