Saýda jáne ıntegrasııa mınıstrliginiń tutynýshylardyń quqyǵyn qorǵaý komıtetindegi qyzmetkerler Bek Eır avıakompanııasy bolmaǵan reısterdiń satyp alynǵan bıletteri úshin aqshalaı qarajattardy qaıtarmaǵany boıynsha azamattardyń múddelerin qorǵaý jumystaryn jalǵastyryp jatyr, - dep jazady Egemen.kz
Osyǵan baılanysty Almaty qalasynyń Túrksib aýdanynyń soty tutynýshylardyń quqyǵyn qorǵaý komıtetiniń tórtinshi talabyn qarastyryp jatyr. Qýymnyń talaby avıatasymaldaýshydan 5 mln teńgeden astam 147 bıletti satyp alǵan 86 jolaýshynyń aryzy boıynsha daıyndaldy.
Aıta keter jaıt, budan burynǵy úsh talaptyń nátıjesi boıynsha sottyq sheshimder mekemeniń jaǵynda boldy. Biraq kompanııa bul sheshimmen kelispeı, apellıasııalyq shaǵym bergenimen, sot óz sheshimin ózgertpedi.
Tutynýshylardyń quqyǵyn qorǵaý komıteti aqshalaı qarajattardy qaıtarý boıynshaquqyqtyq óriste barlyq sharany qoldanady.