QR Úkimetiniń qaýlysymen Asqar Serikuly Jambakın Qazaqstan Respýblıkasynyń sıfrlyq damý, ınnovasııalar jáne aeroǵarysh ónerkásibi vıse-mınıstri qyzmetine taǵaıyndaldy. Bul týraly QR Premer-Mınıstriniń Baspasóz qyzmeti habarlaıdy.
Asqar Jambakın 1985 jyly Almaty qalasynda dúnıege kelgen. 2007 jyly Almaty energetıka jáne baılanys ınstıtýtyn, 2009 jyly Manchester ýnıversıtetin támamdaǵan.
Eńbek jolyn 2003 jyly «Eır Qazaqstan» JAQ baılanys torabynyń birinshi sanatty baılanys tehnıgi bolyp bastaǵan. 2010-2011 jyldary — «HSBC Qazaqstan banki» AQ EB korporatıvtik júıeler bóliminiń basshysy, dırekt marketıng boıynsha ofıseri.
2011-2014 jyldary «Qazaqstannyń damý banki» AQ ádisteme jáne bıznes-prosester basqarmasynyń basshysy, bıznes-prosester jáne korporatıvtik damý departamentteriniń dırektory bolyp jumys istegen.
2014-2016 jyldary — QR Ulttyq bankiniń tólem júıelerin basqarý jáne damytý departamenti dırektorynyń orynbasary.
2016-2017 jyldary «Qazkommersbank» AQ departamenti dırektorynyń orynbasary, dırektory laýazymdaryn atqarǵan.
2017-2018 jyldary — «Zerde» ulttyq ınfokommýnıkasııa holdıngi» jobalyq keńse baǵdarlamalarynyń menedjeri, basqarma tóraǵasynyń keńesshisi. 2018 jylǵy mamyr aıynan bastap qazirgi tańǵa deıin kommersııalyq uıymdarda basshylyq laýazymdarda qyzmet atqardy.