Alǵabas aýyly Oral – Atyraý tas jolynan 30 shaqyrym qashyqta jatyr. Talaı jyldan beri aýa raıynyń qolaısyz kezinde jol azabyn jıi tartatyn alǵabastyqtar bıyl sol beınettiń azaıatynyna qýanyp júr. О́ıtkeni jol salynyp jatyr.
Batys Qazaqstan oblysynda byltyr 368 shaqyrym jol jóndelse, bıyl memleket qazynasynan óńirdiń 436,5 shaqyrym jolyn jańǵyrtýǵa 36,2 mlrd teńge qarajat qarastyrylǵan bolatyn. Osynaý jaqsy jańalyqtyń ıgiligi Alǵabas aýylyn da sharpydy. Alǵabastyń jolyn jańǵyrtýǵa 2 234,61 mln teńge qarastyrylsa, sonyń 964,3 mln teńgesi bıyl ıgerilýi kerek. Merdiger «Jaı̆yqqurylys» JShS jalpy uzyndyǵy 36,12 shaqyrym joldy eki jyl ishinde salyp bitirmek. Bıyl mejelengen 16 km joldyń 12 shaqyrymy daıyn bolǵan. Qurylysqa 33 tehnıka, 70 jolshy jumylǵan. О́tken tamyz aıynda bastalǵan jol qurylysy 2021 jyldyń maýsym aıyna deıin aıaqtalýy tıis. Joldyń sapasyn tıisti mekemelerden bólek óńir basshylarynyń ózderi de muqııat qadaǵalap otyr.
Alǵabas aýylyndaǵy taǵy bir qýanysh – 1984 jyly salynǵannan beri kúrdeli jóndeý kórmegen aýyl mektebiniń jańǵyrtylýy edi. Karantın sebebinen qajetti qurylys materıaldary ýaqytynda jetkizilmeı, kúrdeli jóndeý merzimi bir aıǵa uzarsa da aýyl turǵyndarynyń kóńili kóterińki. Mektepti jańǵyrtýǵa respýblıka bıýdjetinen 678 305 mıllıon teńge bólingen. 624 oqýshyǵa arnalǵan mektep ǵımaratynyń janynda 80 oryndyq ınternaty da bar. Bıylǵy oqý jylynda 292 oqýshy tirkelgen bolsa, sonyń 81-i kezekshi synyptarda mektepke baryp bilim alyp júr eken. Barlyq qural-jabdyǵy jańartylǵan syńǵyrlaǵan mektep ǵımaraty oqýshylardyń sabaq úlgerimin kóterýge de áser eteri sózsiz.