Kelestik polıseıler úıinen shyǵyp ketip, iz-túzsiz joǵalǵan áıeldi tapty, – dep habarlaıdy Polisia.kz.
Keles APB-ne jergilikti turǵyn áıel aryzdanyp, úıine qydyryp kelgen turmystaǵy qyzynyń iz-túzsiz joǵalyp, tabylmaı jatqandyǵyn habarlaǵan. Alǵashqyda jaqyndary men ata-enesi izdep, árekettengen. Nátıje shyqpaǵannan soń, polısııa qyzmetkerleriniń kómegine júginýge májbúr bolǵan.
Atalǵan jaıtty kelestik polıseıler birden tirkeýge alyp, joǵalǵan kelinshekti izdestire bastaıdy. Izdestirý jumystaryna ýchaskelik polıseıler men jedel ýákilder jumyldyryldy. Olar kelinshekti tez arada tabý maqsatynda taksı júrgizýshilerinen, kórip nemese bilýi múmkin degen adamdardan surastyrýlar júrgizdi. Nátıjesinde polıseıler beınekamera arqyly kelinshektiń avtokólikke otyryp, Shymkent qalasyna qaraı ketkenin anyqtady.
Bir táýlik ishinde is-túzsiz ketken jas áıel megopolıste qydyryp júrgen jerinen tabylyp, jaqyndaryna jetkizildi. Tergeý barysynda anyqtalǵandaı nebary alty aı buryn otaý tikken erli-zaıyptylardyń arasynda ózara kıkiljiń bolǵan. Sonyń saldarynan ashýǵa boı aldyrǵan kelinshek eshkimge aıtpastan úıinen belgisiz baǵytqa shyǵyp ketken.
Búgingi tańda arnaıy mamandarmen túsindirý jumystary júrgizilip, kelinshek úıine qaıtaryldy. О́z kezeginde kelinshektiń jaqyndary men qaıyn jurty din aman tabylǵanyna qýanyp, polıseılerge alǵystaryn jetkizdi.