Pavlodar oblysyndaǵy Aqtoǵaı aýyly karantınge jabyldy, - dep habarlaıdyEgemen.kz Pavlodarnews.kz portalyna silteme jasap.
"Qaıyrbaev atyndaǵy jalpy orta bilim berý mektebiniń alty muǵalimi men 22 oqýshysyna Sovid-19 dıagnozy qoıyldy. Aýdan ortalyǵyna kireberis jolǵa sanıtarlyq beket ornatyldy.Aýylda monshalar, shashtarazdar, qoǵamdyq tamaqtaný obektileri, sport qurylystary, tigin atelesi, shınomontaj, TQS, sondaı-aq meshit pen shirkeý qyzmeti toqtatyldy.Mundaı sheshimdi aýdannyń bas sanıtarlyq dárigeri qabyldady.
Sońǵy kúnderi Qaıyrbaev atyndaǵy mektepte alty pedagog jáne 22 oqýshydan alynǵan PTR test oń nátıje kórsetti, - dep túsindirdi aýdan ákiminiń orynbasary Bıbigúl Ospanova. - Bir muǵalim Pavlodar qalasynyń juqpaly aýrýlar aýrýhanasyna jatqyzyldy. Qalǵan muǵalimder men balalarda aýrý asımptomatıkalyq bolyp tabylady jáne olar ambýlatorııalyq em alady", delingen habarlamada.
17 bala kezekshi synyptarda, beseýi qashyqtyqtan oqydy. Osyǵan baılanysty aýdan ortalyǵynyń eki mektebi onlaın oqytýǵa kóshirildi, balabaqshadaǵy kezekshi toptar jabyldy.Sanıtarlyq dárigerdiń qaýlysyna sáıkes memlekettik organdardyń (uıymdardyń, kásiporyndardyń) qyzmetine 9:00-den 16:00-ge deıin, azyq-túlik dúkenderine 9:00-den 19:00-ge deıin, azyq-túlik emes dúkenderge - 10:00-den 15:00-ge deıin, HQKO bólimshelerine, «Qazposhta» AQ-ǵa, «Halyq Bank» AQ-ǵa saǵat 10:00-den 16:00-ge deıin ruqsat etilgen.Azyq-túlik emes taýarlar dúkenderi demalys jáne mereke kúnderi jabylady.Budan basqa, avarııalyq qyzmetterdi, jol jóndeý qyzmetterin, polısııany, medısına qyzmetkerlerin jáne tirshilikti qamtamasyz etetin basqa da uıymdardy qospaǵanda, aýyl turǵyndary arasynda saǵat 21:00-den keıin qozǵalys shektelgen.Aqtoǵaı aýylynda sanıtarlyq normalardy qatań saqtaı otyryp, taksı qyzmeti jumys isteıdi. Aýdan ortalyǵynda 4251 adam turady.