Prezıdenttiń tapsyrmasymen Jambyl oblysynyń aýmaǵynda koronavırýsqa qarsy vaksına shyǵaratyn zaýyt salynýda. Jalpy quny - 7 mlrd teńgege jýyq. О́ndiristik qýaty - jylyna 30-60 mln doza. Ortalyq kommýnıkasııalar qyzmetinde ótken brıfıngte óńir basshysy Berdibek Saparbaev jobaǵa tolyǵyraq toqtaldy.
Onyń aıtýynsha, qazir bul zaýyt brýsellezge, dermatıtke, qus tumaýyna qarsy vaksına shyǵarady. Bul janýarlar men adamdardyń ımmýnıtetin kóterýge baılanysty dáriler.
«Jyl sońyna deıin zaýytta barlyq qurylys jumystary aıaqtalady, qańtar-aqpannan bastap qajetti jabdyqtardy, qurylǵylardy, jelilerdi jáne t.b. montajdaý bastalady. Jospar boıynsha naýryz aıynda klınıkalyq zertteýlerdiń úshinshi kezeńi aıaqtalyp, vaksına shyǵaryla bastaıdy. Qýaty jylyna 30-dan 60 mln dozaǵa deıin bolady. Bıologııalyq qaýipsizdikti qamtamasyz etýge keletin bolsaq, ǵylymı-zertteý ınstıtýty tarapynan halyqaralyq talaptardy eskere otyryp, barlyq qajetti jaǵdaılar jasalǵan. Barlyq sharttar eskerilgen. Eń bastysy - vaksınalardy saqtaý, ekinshisi - tasymaldaý jáne ony daıyndaý, shyǵarý kezindegi ınstıtýt qyzmetkerleriniń qaýipsizdigi», - dep atap ótti Saparbaev.