Halyqty medısınalyq kómekpen qamtamasyz etý úshin, sondaı-aq elorda emhanalarynda dárigerlerge túsetin salmaqty azaıtý úshin 30-dan astam dárigerlik ambýlatorııa jumys isteıdi.
"Halyqqa qol jetimdi sapaly medısınalyq kómek kórsetý - elordanyń básekege qabiletti densaýlyq saqtaý júıesi jaǵdaıynda jumys isteıtin barlyq emhanalar úshin mańyzdy. Qoǵamdyq densaýlyq saqtaý basqarmasy medısınalyq-sanıtarııalyq alǵashqy kómek jumysyn jańǵyrtý jáne bastapqy býynnyń rólin kúsheıtý úshin úlken jumvs atqarady. Qazir aýrýdyń aldyn alý, onyń saldaryn emdeý, salaýatty ómir saltyn nasıhattaý, densaýlyqty nyǵaıtý, óz densaýlyǵy úshin ortaq jaýapkershilikti qalyptastyrý árbir qazaqstandyqtyń maqsaty bolyp tabylady", - dep atap ótti Qoǵamdyq densaýlyq saqtaý basqarmasy ókilderi.
Aıta ketý kerek, bıyl elordada osyndaı 10 ambýlatorııalyq uıym ashyldy. О́tken jyly olardyń 12-si ashyldy.
№9 qalalyq emhana janynan tirkelgen turǵyndar úshin "Amanat"otbasylyq densaýlyq Ortalyǵy óz jumysyn bastady. Naýqastardyń medısınalyq uıymdaryna jalpy praktıka dárigerleri, pedıatrlar, beıindi mamandar, akýsher-gınekologtar qabyldaıdy. Sondaı-aq munda ÝDZ jáne EKG ótýge bolady. Ortalyqta dárihana, kúndizgi stasıonar bar. Bólmeler SanEmN barlyq talaptaryna sáıkes jabdyqtalǵan jáne standarttarǵa sáıkes keledi.“Biz 14 myńnan astam adamǵa medısınalyq kómek kórsetemiz. Kún saıyn orta eseppen 50-ge jýyq adamdy qabyldaımyz", - deıdi №9 emhana dırektorynyń mindetin atqarýshy Dana Ábilǵazına.
Otbasylyq densaýlyq ortalyǵy TMKKK jáne MÁMS sheńberinde ambýlatorııalyq-emhanalyq, stasıonardy almastyratyn kómek kórsetedi, oǵan ýchaskelik qyzmettiń, profılaktıka jáne medısınalyq-áleýmettik kómek bólimsheleriniń qyzmetteri kiredi. Budan basqa beıindi mamandardyń konsýltasııalyq-dıagnostıkalyq kómegi, fýnksıonaldyq jáne sáýlelik dıagnostıka (ÝDZ) usynylady.
Elorda turǵyndary osy ortalyqtardan medısınalyq qyzmetterdi turaqty nemese ýaqytsha turatyn jerine tirkelý arqyly ala alady. Ol úshin tikeleı medısınalyq uıymǵa júginýge nemese eGov.kz.Yes portalyna tirkelýden ótýge bolady.