Qyzylordada burynǵy jeńgesi qaınysynyń atyna eki nesıe resimdegen, dep habarlaıdy Egemen.kz Polisia.kz saıtyna silteme jasap.
Qyzylorda qalasynyń 23 jastaǵy turǵyny qalalyq Polısııa basqarmasyna habarlasyp, 2018 jyldyń qarasha aıynda onyń jeke kýáligi men bank kartochkasyn paıdalanyp, aqparattyq tehnologııalardyń kómegimen mıkrokredıttik uıymdardan onyń atyna eki nesıe resimdegen burynǵy jeńgesine qatysty shara qoldaný týraly aryzdanǵan.
Atalǵan derek boıynsha Qazaqstan Respýblıkasy Qylmystyq kodeksiniń 190-babynyń 2-bóliginiń 4-tarmaǵymen (Alaıaqtyq) sotqa deıingi tergep-tekserý bastalyp, basqarma tergeýshisi Tolqyn Muhtarovanyń kásibı biliktiliginiń arqasynda kúdikti azamatshanyń qylmystyq is-áreketi tergeý barysynda tolyǵymen dáleldendi. Budan bólek tergeý barysynda kúdiktiniń atalǵan qylmystan basqa taǵy bir alaıaqtyq jasaǵany anyqtalyp, atalǵan qylmystyq ister bir óndiriske biriktirilgen. Is sotqa joldanyp, jábirlenýshige keltirilgen shyǵyn tolyq óndirildi.
Sot úkimimen alaıaq azamatsha kináli dep tanylyp, oǵan bir jyl toǵyz aı merzimge bas bostandyǵyn shekteý jazasy taǵaıyndaldy.