Oblys "sary" aımaqqa ótti. О́ńirde bir táýlikte 60 adamnan indet anyqtalǵan. Oblystyń sanıtarlyq bas dárigeri Aınagúl Mýsına sońǵy bir apta boıy vırýs taralýynyń tómendep kele jatqanyn málimdeýde, dep habarlaıdy Egemen.kz.
Oblys 23 qarashadan beri qaýiptiń qyzyl aımaǵyna engen óńirler qatarynda bolatyn. Sońǵy táýlikte 60 adamnyń aýrýǵa shaldyqqany belgili boldy. Iаǵnı, aýrýdyń taralýy báseńdegen. Eger Kókshetaý qalasyn jeke qarastyrsaq, qarashanyń basynda kúnine 70-ke jýyq adam aýyrsa, qazir kún saıyn oblys ortalyǵynda 35-32 adamnan jaman tumaý anyqtalýda.
"Qazir oblys ortalyǵyndaǵy jaǵdaı edáýir túzelip, vırýstyń taralýy shamamen 50 prosentke tómendedi. Biraq, karantın sharalaryn jeńildetýge áli de erte. Kóp jaǵdaıda turǵyndar jeke qaýipsizdik sharalaryn saqtamaıdy. Bul jaı indettiń qaıta órshýine ákelip soǵýy múmkin", – deıdi oblys ákiminiń orynbasary Aına Mysyrálimova.
Oblystyń sanıtarlyq bas dárigeriniń aıtýynsha, oń nátıje bir apta boıy saqtalsa, karantın sharalaryn jeńildetý jaıly usynys jasalýy múmkin.
"El "sary" aımaqqa óttik dep saqtyq sharalaryn saqtaı bermeýi múmkin. Sondaı salǵyrttyqtyń saldarynan indet qaıta órshýi de yqtımal. Mundaıǵa jol bermeý úshin kópshilik is-sharalardy ótkizbeýge, barynsha qoǵamdyq oryndarǵa barmaýǵa mindettimiz", – deıdi Aınagúl Mýsına.
Oblys aýmaǵynda reprodýktıvtilik kórsetkishi 1-den tómendegen. Buǵan deıin bul kórsetkish 1,27 bolsa, qazir, 0,95-ke teń. Alaıda, asyǵys baılam jasaýǵa bolmaıdy. Mamandar óńir turǵyndaryn karantın talaptaryn qatań ustanýǵa shaqyrady.