Kúni keshe fýtboldan Chempıondar lıgasynyń toptyq kezeńindegi oıyndar aıaqtalyp, pleı-off satysyna joldama alǵan 16 komanda belgili boldy.
Keıbir komandalar joldama taǵdyryn 4 jáne 5-týr oıyndarynan keıin-aq sheship qoıǵanymen, keı toptarda pleı-off kezeńine shyqqan komandalar sońǵy týrda anyqtaldy. Máselen, V tobynda óner kórsetken tórt komandanyń tórteýinde de kelesi kezeńge shyǵatyn múmkindik boldy. 6-týrǵa deıin úshinshi orynda turǵan «Real» óz alańynda Benzemanyń dýbli arqasynda «Borýssııa M» klýbyn jeńip, birinshi orynmen 1/16 kezeńge joldama aldy. «Borýssııa M» jeńilse de jarysty ári qaraı jalǵastyrýǵa múmkindik aldy. Al syrt alańda «Intermen» teń túsip, topta úshinshi oryndy ıelengen «Shahter» Eýropa lıgasynda baq synaıtyn boldy. Italııa komandasy sońǵy orynda qalyp qoıdy.
Sonymen, pleı-off kezeńine myna komandalar joldama aldy: «Bavarııa», «Borýssııa» (Dortmýnd), «Borýssııa» (Menhengladbah), «RB Leıpsıg» (Germanııa); «Manchester Sıtı», «Lıverpýl», «Chelsı» (Anglııa); «Iýventýs», «Atlanta», «Lasıo» (Italııa); «Real», «Atletıko», «Sevılıa», «Barselona» (Ispanııa); PSJ (Fransııa) jáne «Portý» (Portýgalııa).
Jerebe tartý rásimi 14 jeltoqsanǵa, 1/16 kezeńiniń alǵashqy oıyndary 16/17/23/24 aqpanǵa, qarymta kezdesýler 9/10/16/17 naýryzǵa josparlanǵan.