Biz buǵan deıin Shveısarııanyń Sıýrıh qalasynda ornalasqan FIFA-nyń shtab-páterinde 2022 jyly Katarda ótetin álem chempıonatynyń irikteý týrnıriniń jerebesi tartylyp, Qazaqstannyń ulttyq quramasy Fransııa, Ýkraına, Fınlıandııa jáne Bosnııa men Gersegovına fýtbolshylarymen birge D tobynda óner kórsetetini jaıynda habarlaǵanbyz.
Jerebe tartylyp, qarsylastar anyqtalǵan bettenemisterdiń Transfermarkt veb-saıty ár memlekettiń ulttyq quramasy sapyndaǵy oıynshylarynyń qazirgi kezdegi transferlik qunyn anyqtaǵan eken.Bizge keregi – D toby. Bul topta Fransııanyńaldyna túsetin eshkim joq. Aıtýly komanda sapyndaǵy aıaq dop sheberleriniń jalpy quny 1,05 mıllıard evrony qurap otyr. Solardyń arasyndaǵy Kılıan Mbappeniń baǵasy bárinen de joǵary. Marıjdiń PSJ klýby sapynda jasyndaı jarqyrap júrgen jas juldyzdyń quny – 180 mıllıon. Odan keıingi satylarǵa myna oıynshylar jaıǵasty: Pol Pogba men Antýan Grızmann (80 mıllıon), Rafael Varan men Ngolo Konte (70mln.), Antonı Marsıal men aıo Ýpamekano (60mln.), Kleman Langle, Lıýka Ernandes, Ýssem Aýar, Edýardý Kamavınga (50 mln.) jáne Benjamen Pavar (45 mln.).
Ýkraına quramasy 101,20 mıllıon evro baǵalandy. Qundylar qataryndaa myna oıynshylar bar: Rýslan Malınovskıı (21 mln.), Aleksandr Zınchenko (20 mln.), Vıktor Sygankov (19 mln.), Vıtalıı Mıkolenko (13 mln.) Roman Iаremchýk (11mln.), Mıkola Matvıenko (9 mln.), Taras Stepanenko (8 mln.), Andreı Iаrmolenko, Marlos, Vladıslav Sýprıaga (7 mln.).
Bosnııa men Gersegovınanyń quramasynyń quny – 95,58 mıllıon evro shamasynda. Sol eldiń eń úzdik óreni Mıralem Pıanıch 50 mıllıonǵa baǵalanyp otyr. Edın Vıshcha (12,50 mln.) jáne Sead Kolashınas pen Edın Djeko (10 mln.) syndy jigitter de arzan turmaıdy. Fınlıandııanyń komandasynyń quny – 36,1 mıllıondy quraıdy. Sýmı eliniń ókilderi arasyndaǵy eń baǵylysy –Lýkash Gradeskıı (8 mln.).
Qazaqstan quramasynyń quny – 21,2 mıllıon evro shamasynda. Jerlesterimizdiń arasynda Baqtııar Zaınýtdınovtyń shoqtyǵy bıik. Máskeýdiń SSKA-sy sapynda óner kórsetetin ol 2 mıllıonǵa baǵalandy. Odan keıingi oryndarda Baýyrjan Islamhan men Dmıtrıı Shomko (1,8 mln.), Stas Pokatılov, Nuraly Álip, Islambek Qýat, Roman Murtazaev (1,5 mln.), Gafýrjan Súıimbaev (1,3mln.), Abzal Beısebekov men Sergeı Malyı (1,2mln), Dmıtrıı Mıroshnıchenko (1,1 mln.), Dmıtrıı Nepogodov, Temirlan Erlanov, Aıbol Ábiken, Iýrıı Persýh jáne Abat Aıymbetov (1 mln.).