Búin saǵat 10:00 shamasynda «QazAvtoJol» UK AQ fılıaly «Samara-Shymkent» avtomobıl jolynyń 1824-2057 shaqyrymy aralyǵynda (Qyzylorda qalasynan Túrkistan oblysyna deıin) barlyq avtokólik quraldarynyń qozǵalysyna ýaqytsha shekteý qoıdy, dep habarlaıdy Egemen.kz
Qyzylorda oblysynyń QAPB jáne polısııa departamenti ákimshilik polısııa basqarmasynyń jol-tehnıkalyq ınspeksııasy qyzmetkerleri, «QazAvtoJol» UK AQ, «Qazaqavtojol» JShS mamandarymen birlesip avtojoldar jaǵdaıyn tekserdi.
Kólik quraldarynyń qozǵalysyn shekteý úshin PD JPQB patrýldik polısııasy rotasynyń 5 ekıpajy, Shıeli aýdany polısııa bóliminiń 40, sondaı-aq Jańaqorǵan aýdany polısııa bóliminiń 13 qyzmetkeri jumyldyryldy. Sonymen qatar, "Qazavtojol" JShS-niń 12 arnaıy tehnıkasy men 24 qyzmetkeri «Samara-Shymkent» avtojolynyń muz basqan ýchaskelerine taıǵaqqa qarsy jalpy salmaǵy 120 tonna materıal tósedi.
Tekserý kezinde jol boıynda 3 avtokóliktiń aýdarylǵany, bir kóliktiń metall qorshaýlarǵa soqqany anyqtaldy. Kúre joldaǵy taıǵaq saldarynan taǵy bir avtokólik jol jıeginde turǵan kólikke soqtyǵysqan. Avtojoldarda jol qozǵalysy qaýipsizdigin qamtamasyz etý jumystary baqylaýǵa alyndy.