Sybaılas jemqorlyqqa qarsy is-qımyl agenttiginiń «Protecting bussines and investments» jobasy aıasynda kásipkerler men ınvestorlardy sybaılas jemqorlyqqa qarsy súıemeldeý jumystary júrgizilip keledi, dep habarlaıdy Egemen.kz
Joba aıasynda Qyzylorda oblysynda «Qyzylorda kompozıttik materıaldar zaýyty» JShS men Sybaılas jemqorlyqqa qarsy is-qımyl agenttiginiń oblys boıynsha departamenti arasynda ózara yntymaqtastyq memorandýmyna qol qoıyldy.
Osylaısha «Qyzylorda kompozıttik materıaldar zaýyty» JShS-niń óńirde shyny talshyqtaryn jáne kompozıttik materıaldar shyǵaryp, osy baǵyttaǵy ımporttyq materaldyń kólemin azaıtýǵa baǵyttalǵan jalpy quny 1,5 mlrd teńgelik jobasyn júrgizýde ákimshilik kedergilerdiń aldyn alyp, sybaılas jemqorlyqqa qarsy is-qımyl boıynsha ózara yqpaldastyq pen yntymaqtastyq qurýdyń negizi qalandy.
Sharaǵa departament basshysynyń birinshi orynbasary B. Nııazov, oblystyq ındýstrııalyq-ınnovasııalyq damý basqarmasy basshysynyń orynbasary J. Berdenova, ınvestor T.Boranbaev qatysty.
Búgingi kúni Sybaılas jemqorlyqqa qarsy is-qımyl agenttiginiń Qyzylorda oblysy boıynsha departamenti «Protecting bussines and investments» jobasy sheńberinde jalpy quny 555,8 mlrd teńgeni quraıtyn 22 ınvestısııalyq jobany sybaılas jemqorlyqqa qarsy súıemeldeýge aldy.
Is-sharada departament basshysynyń birinshi orynbasary B. Nııazov ınvestorlar men kásipkerler úshin qolaıly bıznes klımat jasaý maqsatynda jumystar jalǵasatynyn atap ótti.