Koronavırýs ınfeksııasyn juqtyrýshylar kóbeıgen Atyraý oblysy «qyzyl» aımaqqa endi. Osyǵan baılanysty bas sanıtar dárigerdiń qaýlysymen kópshilik is-sharalardy ótkizýge tyıym salynyp otyr, dep habarlaıdy Egemen.kz
«Kópshilik is sharalardy (merekelik, oıyn-saýyq, kópshilik mádenı, sporttyq, bilim berý is-sharalaryn, kórmelerdi, korporatıvti, forýmdardy, konferensııalardy, sondaı-aq otbasylyq, estelik is-sharalardy (banketter, úılený toılary, mereıtoı00lar, eske alý jáne t. b.), onyń ishinde úıde jáne jappaı adamdar jınalatyn ózge de is-sharalardy ótkizýge tyıym salynsyn. Barlyq oıyn-saýyq obektileriniń, banket zaldarynyń, barlyq túrdegi oıyn alandary (aýlalardy qospaǵanda), túngi klýbtardyń, barlar, karaoke, kompıýterlik jáne oıyn klýbtarynyń, kalıan, býkmekerlik keńselerdiń, merekelerdi uıymdastyrý boıynsha keıterıngtik qyzmetter men qyzmetter kórsetýdi, menshik nysanyna qaramastan mektepke deıingi balalar mekemeleriniń (kezekshi toptardy qospaǵanda), mádenı nysandardyń, jeke, toptyq daıyndyqtardy qosa alǵanda kınoteatrlardyń, teatrlardyń qyzmeti toqtatylsyn», delingen qaýlyda.