Almaty oblysy kópsalaly klınıkalyq aýrýhanasynda jańa týǵan nárestelerge arnalǵan patologııa bólimi ashyldy. Endi munda shuǵyl medısınalyq kómekti qajet etetin sábılerge barlyq jaǵdaı jasalady, dep habarlaıdy Egemen.kz.
Bul aýrýhanada osyǵan deıin patologııa bólimi bolmaǵan. Aýyr jaǵdaıda bosanǵan analardy, shala týǵan balalardy qaladaǵy balalar aýrýhanasyna, arnaıy ǵylymı ortalyqtarǵa aparý kerek bolatyn. Budan bylaı bul ózekti máseleniń túıini sheshildi, dep habarlady oblys ákimdiginiń baspasóz qyzmeti.Almaty kópsalaly klınıkalyq aýrýhanasy Almaty oblysyndaǵy iri medısınalyq mekeme. Bul mekemeni dáriger, medısına ǵylymynyń kandıdaty, dosent Qarlyǵash Jubanysheva basqaratyn bolady. Qalǵan dárigerler de shet elderde bilimin shyńdaǵan bilikti mamandar.
Munda ýltradybystyq zertteý aparattary, jasandy tynys alý qurylǵylary jáne basqa da qural-jabdyqtar bar.Jańadan ashylǵan bólim 10 orynǵa arnalǵan.