Búgin óńirlik kommýnıkasııalar qyzmetiniń aqparat alańynda Jambyl oblysy boıynsha sanıtarııalyq-epıdemıologııalyq baqylaý departamenti basshysynyń orynbasary Saltanat Álibaeva brıfıng ótkizip, oblystyń epıdemııalyq jaǵdaıy týraly baıandady. Ol óz sózinde bıylǵy jyly óńirde koronavırýs indetimen 5 myńǵa jýyq adamnyń aýyrǵanyn aıtty.
Sońǵy 2 aptanyń ózinde oblys boıynsha qaýipti indet juqtyrýdyń 235 jaǵdaıy tirkelgen. Onyń ishinde sımptomdyq aǵymy bar 125 naýqas, sımptomsyz aǵymy bar 110 naýqas anyqtalǵan. Shekteý sharalary álsiregen sátten bastap, ıaǵnı 17 tamyzdan búgingi kúnge deıin 2802 reıd júrgizilip,14317 nysan tekserýmen qamtylǵan. Sondaı-aq, 906 nysanda quqyqbuzýshylyqtar anyqtalǵan. Bul rette medısınalyq betperde rejımin, áleýmettik qashyqtyqty, jumys rejımin saqtamaǵany jáne buqaralyq is-sharalardy ótkizgeni úshin 490 ákimshilik quqyqbuzýshylyq týraly hattama toltyrylyp, aıyppul salynǵan.
Sonymen qatar, búginde oblys boıynsha anyqtalmaǵan pnevmonııanyń 478 jaǵdaıy tirkelgen. Saltanat Álibaeva barlyq naýqastar pnevmonııa dıagnozymen oblystyń medısınalyq uıymdaryna júgingen kezde anyqtalǵanyn máliýmdedi. Al, elimizdegi epıdemııalyq jaǵdaıdy baǵalaý boıynsha Jambyl oblysy jasyl aımaqta ornalasqan. О́ńir boıynsha jaǵdaı turaqty. Sondaı-aq, ol Qordaı aýdanyndaǵy «Qarasý», «Aýhatty», Merke aýdanyndaǵy «Sypataı batyr» jáne Jambyl aýdanyndaǵy «Aısha bıbi» ótkizý pýnktteri jumys istep turǵanyn, aımaqqa aıyrqalpaqty elden keletin azamattar 2 kúndik karantındik stasıonarǵa jatqyzylatynyn, shetel azamattary tek teris nátıjeli PTR testi jasalǵan anyqtamamen ǵana shekaradan óte alatynyn da aıtty. Máselen, aǵymdaǵy jylǵy 6 qazannan bastap búgingi kúnge deıin 63206 adam shekaradan ótken. Onyń ishinde 2267 adam 2 kúndik karantındik stasıonarǵa jatqyzylyp, PTR ádisimen tekserýge alynǵan. Tekserilgender arasynan koronavırýs indetimen aýyratyn 28 naýqas anyqtalypty. Alaıda, anyqtalǵan naýqastar oqshaýlanǵan. «Epıdemıologııalyq tergeý júrgizilip, naýqastar jáne olarmen jaqyn baılanystaǵy adamdar medısınalyq baqylaýǵa alyndy. Al, 1339 shetel azamattaryna teris nátıjeli PTR testi bolmaǵandyqtan, elimizge kirýge ruqsat berilmegen», dedi Saltanat Álibaeva.
Jambyl oblysy