Aqtóbe oblysynyń Qobda aýdanynda úıde turǵan gaz ballony jarylyp, eki adam aýrýhanaǵa tústi, dep habarlaıdy Egemen.kz
Búgin saǵat 14:17-de tótenshe jaǵdaılar qyzmetine Qobdadaǵy turǵyn úıde gaz ballonynyń jarylǵany týraly habarlama tústi.
«О́rt-qutqarý bólimsheleri atalǵan mekenjaıǵa shuǵyl attandy. Úıdiń kireberisinde 5 lıtrlik gaz ballonynyń jarylǵany anyqtaldy. Saldarynan úıdiń bir bóligi qulady. Jergilikti órt sóndirý bóliminiń jeke quramynan 8 adam, 1 tehnıka jumyldyryldy. О́rt aýmaǵy 30 sharshy metrdi qurady. О́rt saǵat 14:40-ta sóndirildi», dep habarlady oblystyq TJD baspasóz qyzmeti.
О́rt kezinde 34 jáne 31 jastaǵy er adamdy kúıik shalyp, olar aýrýhanaǵa jetkizildi. Jaǵdaıy qanaǵattanarlyq.