Prezıdent Qasym-Jomart Toqaev «Egemen Qazaqstan» gazetinde jarııalanǵan «Táýelsizdik bárinen qymbat» atty maqalasynda ádiletti qoǵam men tıimdi memleket qurýda qandaı dúnıeler basshylyqqa alynatynyn aıtty, - dep habarlaıdy Egemen.kz.
«Biz ádiletti qoǵam men tıimdi memleket qurýdy kózdep otyrmyz. Kez-kelgen iste ádildik qaǵıdatyn basshylyqqa alsaq, buǵan anyq qol jetkizemiz. Mysaly, turǵyndardyń turmysyn jaqsarta túspesek, elimizdiń jetistikteri men halyqaralyq tabystaryn maqtan etý artyq. Azamattarymyz ekonomıkalyq ósimniń ıgiligin sezine almasa, odan esh qaıyr joq. Men árbir sheshimdi qabyldar sátte osy ustanymdy basshylyqqa alamyn. Biz halyqtyń áleýmettik jaǵdaıyn jaqsartýmen qatar, barlyq azamattardyń múddesin birdeı qorǵaımyz. Meniń uǵymymdaǵy ádiletti memleket degenimiz – osy», - dep jazdy Q.Toqaev.