Densaýlyq saqtaý mınıstrligi qoǵamdyq densaýlyq saqtaý komıtetiniń 6 qańtardaǵy eldegi epıdemıologııalyq ahýaldy baǵalaý matrısasyna sáıkes Atyraý oblysy «qyzyl aımaqqa» qaıtadan endi. Buǵan sońǵy eki táýlikte óńirden 250 adamnyń koronavırýs ınfeksııasyna shaldyǵýy sebep bolyp otyr, dep habarlaıdy Egemen.kz.
Oblystyq densaýlyq saqtaý basqarmasynyń baspasóz qyzmetiniń málimetine súıensek, tek ótken táýlikte 101 adam koronavırýs ınfeksııasyn juqtyrdy.
«Onyń ishinde Atyraý qalasynda 9 adamnan, Teńiz kenishinde 78 jumysshydan koronavırýs belgisi tabyldy. Sondaı-aq Jylyoı aýdanynda – 2, Qurmanǵazy aýdanynda 12 adam qaýipti indetke shaldyqty. Naýqastardyń 12-inde sımptomdy túri bar. О́tken táýlikte koronavırýs ınfeksııasynan 32 adam emdelip shyqty» dep habarlady basqarmanyń baspasóz qyzmeti.
Al qazir 321 adam úı jaǵdaıynda emdelip jatyr. Oblystyq ınfeksııalyq stasıonarda 95, aýdandardaǵy stasıonarlarda 39, Teńiz kenishindegi stasıonarda 811 adam em qabyldaý úshin jatqyzyldy.