Atyraý oblysyndaǵy 48 bóbekjaı-balabaqshaǵa 1 jastaǵy 1970 sábı baryp júr, dep habarlaıdy Egemen.kz.
Máselen Qyzylqoǵa aýdanyndaǵy «Nurshýaq» bóbekjaı-balabaqshasynyń meńgerýshisi Baqytjamal Jumabaevanyń málimetinshe, 2014 jyldan beri 1 jastaǵy balalar qabyldanady. Balabaqshada 80 adam jumys isteıdi. Onyń 36-sy pedagog. Olar 250 balaǵa mektepke deıingi tárbıe beredi. Al, kezekshi topqa 130 baldyrǵan bar.
«Bizdiń balabaqshanyń ereksheligi – balalardyń oı-órisin erte jastan damytý. Bir jastan qabyldanǵan bóbekter tórt topta tárbıelenedi. Olarǵa tájirıbeli mamandar tálim-tárbıe beredi. Psıholog ár balanyń minez-qulqyn, topta ózin ustaýyn zertteıdi. Balalar túrli bıdi de úırenedi» deıdi Baqytjamal Jumabaeva.
Erte jastaǵy toptyń tárbıeshisi Gúljazıra Kenjebaıqyzynyń pikirinshe, 1 jastaǵy balalarǵa negizinen ashyq oqý sabaǵy ótkiziledi.
«Maqsatymyz – bóbektiń tyńdaý, sóıleý qabiletin jetildirý. Ertegiler, saýsaq oıyny arqyly qyzyqty áńgimeler aıtylyp, taqpaqtar jattaıdy. «Kim shapshań?», «Kim tapqyr?» syndy toptyq oıyndar ótkiziledi. Ár topta on baldyrǵan biriktirilgen» deıdi ol.