Aımaq basshysy Polısııa departamentinde tártip saqshylary jáne Ulttyq ulan sarbazdarymen jolyqty, dep habarlaıdy Egemen.kz Polisia.kz saıtyna silteme jasap.
Arnaıy ótkizilgen keńeste oblystyq departament bastyǵy Janat Súleımenov óńirdegi krımınogendik jaǵdaı týraly aıtyp berdi. Onyń sózinshe, aımaqtaǵy ahýal turaqty. Qylmys deńgeıi ótken jyly 30 paıyzǵa tómendepti. Memlekettiń qoldaýy arqasynda jyl saıyn materıaldyq-tehnıkalyq qamtý kórsetkishi ósip keletinin atap ótti.
Polıseılerdi Jańa jylmen quttyqtaı kele Berdibek Saparbaev tártip saqshylarynyń kún demeı, tún demeı atqarǵan jumystary úshin alǵys bildirdi.
– О́tken jyldyń kúrdeli, qıyn bolǵanyn bilesizder. Sizderdiń qoǵamdyq qaýipsizdikti qamtamasyz etýde oryndaryńyz bólek. Eger qaýipsizdik pen tynyshtyq bolmasa, eldiń arasynda yntymaq pen dostyq, turaqtylyq bolmaıdy. Eldiń damýy eń birinshi kezekte turaqtylyqqa baılanysty, – dep atap ótti oblys ákimi.Keńesten soń aımaq basshysyna Jedel basqarý ortalyǵy kórsetildi. Bul jerde Taraz kóshelerindegi jaǵdaı sońǵy úlgidegi 208 kameranyń kómegimen baqylanyp, turǵyndardyń telefon arqyly aıtylǵan shaǵymdary qabyldanady. Qyzmetkerlerdiń sózinshe munda kúnine 500-ge jýyq qońyraý shalynady eken. Jedel basqarý ortalyǵynyń kómegimen qoǵamdyq oryndarda jasalatyn qylmystardyń 70 paıyzy izi sýymaı ashylady.
Berdibek Saparbaev oblystyq Polısııa departamentiniń murajaıyna da bardy. Munda qyzmet babynda qoldanylatyn kólikterdiń, qyzmettik kıimderdiń burynǵy úlgileri saqtalǵan. Eksponattarmen tanysyp bolǵan soń Berdibek Saparbaevqa 10 jyl buryn bolǵan lańkestik áreket týraly fılm kórsetildi.