Jalpyqalalyq baspasóz-ortalyǵy alańynda kezekti baspasóz-konferensııa ótkizgen Almaty qalasy aımaqtyq saılaý komıssııasynyń tóraıymy Janna Asanova saılaý ýchaskeleriniń daıyndyǵy men jumys isteý tártibi týraly aıtyp berdi, dep habarlaıdy Egemen.kz
Búgin 6.00-de qala boıynsha barlyq saılaý ýchaskeleri ashylyp, 7.00-de óz jumystaryn bastady. Almatyda jalpy 581 saılaý ýchaskesi bar. Qazirgi ýaqytqa deıin 4 myńnan astam baqylaýshy tirkelip úlgerdi.
Sonymen qatar, Almaty q. boıynsha aımaqtyq saılaý komıssııanyń tóraǵasy azamattardyń úıden daýys berý quqyǵyn paıdalaný úshin saǵat 12.00-ge deıin óz saılaý ýchaskesine ótinish berip úlgerý kerektigin eskertti. Saǵat 12.00-den keıin saılaý komıssııasy ótinish bergen azamattardyń meken-jaıyna baratyn bolady.
«Jalpy saılaý ýchaskeleriniń ashylýynda kelip túsken ótinish kóp boldy. Biraq ol suraqtar retke keltirildi, qazirgi kezde barlyq másele sheshildi. Negizinen suraqtar baqylaýshylardyń qujattary jóninde boldy. Qazir baqylaýshylardyń barlyǵy óz ýchaskelerine jiberilip, óz jumystaryn jalǵastyrýda», - dedi J. Asanova.
J.Asanova PTR-test tapsyrylǵan klınıkalar tiziminde bolmaǵan keıbir baqylaýshylardyń saılaý ýchaskelerine jiberilmeýi týraly jaǵdaıdy túsindirip berdi.
«Saılaý ýchaskelerinde baqylaýshylarǵa qatysty bolǵan másele sheshimin tapty. Baqylaýshylar ýchaskege jiberildi. Bul jaǵdaı qalalyq Qoǵamdyq densaýlyq basqarmasynyń ótken deıingi ótken brıfıngine qatysty dep olaımyn. Biraq, jalpy aıtqanda laboratorııalarlardy tańdaýǵa degen talabymyz joq. О́ıtkeni ol bizdiń quzyrymyzǵa jatpaıdy. Sondyqtan biz qalalyq bas sanıtarlyq dárigerdiń Qaýlysyna súıenip, tek qana PTR-testtiń bolýyn ǵana talap etemiz. Sol úshin barlyq baqylaýshylardyń testti qaıda tapsyrǵanyna qaramastan saılaý ýchaskelerine jiberildi», dep atap ótti J. Asanova.