TAPSYRMAǴA SÁIKES KADRLYQ ALMASÝLAR. Elbasy N.Nazarbaevtyń joǵary laýazym ıelerin ortalyq organdarǵa jáne óńirlerge aýystyrý týraly tapsyrmasyna sáıkes Qyzyljar óńirinde birqatar kadrlyq ózgerister boldy.
Soltústik Qazaqstan oblysy ákiminiń birinshi orynbasary Janbolat Smaıylovtyń Tótenshe jaǵdaılar mınıstriniń orynbasary bolyp taǵaıyndalýyna oraı onyń ornyn oblys ákiminiń orynbasary qyzmetin atqaryp kelgen Samat Eskendirov basty. M. Jumabaev aýdanynyń ákimi Aıdarbek Saparov oblys ákiminiń aýyl sharýashylyǵy máseleleri jónindegi orynbasary bolyp bekitildi. Esil aýdanynyń ákimi Vladımır Býbenko aqyn atyndaǵy aýdanǵa jetekshilik etetin boldy. Premer-Mınıstr Keńsesinde uıymdastyrý jumysy jáne aýmaqtyq damý bóliminiń bas ınspektory bolǵan Asqar Begmanov Esil aýdanyna ákim bolyp jiberildi.
О́mir ESQALI, Soltústik Qazaqstan oblysy.
“ARDAGER” ÚGIT POIYZY JOL ÚSTINDE. О́ndiristi óńirde bul kúnde Jeńistiń 65 jyldyǵyna arnalǵan sharalar kóp. Sonyń biri “Ardager” oblystyq aksııasy bastaý aldy. Qaraǵandydaǵy “Máńgilik alaý” eskertkishi aldyna jınalǵan soǵys ardagerleri, áskerı bólim jaýyngerleri, Talǵat Bıgeldınov atyndaǵy respýblıkalyq áskerı mektep oqýshylary, jurtshylyq ókilderi qalalar men aýdandardy aralaýǵa shyqqan “Ardager” úgit poıyzyna sát sapar tiledi. Quramyna tarıhshy ǵalymdar, ádebıet pen óner qaıratkerleri qamtylǵan kerýen aımaq boıynsha jol ústinde eki aı bolady. Turǵyndarmen kezdesýlerde el ómirindegi eleýli oqıǵalar týraly áńgimeler ótkizilip, konsertter qoıylady.
Aıqyn NESIPBAI, QARAǴANDY.
EÝROPALYQ BANK KО́MEKKE KELDI. Ekonomıkasy órleý ústindegi Mańǵystaý óńirinde taǵy bir joba júzege asatyn boldy. Investısııany tarta bilý belgisi retinde bul jolǵy joba Aqtaýdy sýmen qamtamasyz etý jáne sý júıelerin jetildirýge arnaldy. Iаǵnı, oblys ákimi Qyrymbek Kósherbaev pen Eýropa Qaıta qurý jáne damý bankiniń Qazaqstandaǵy dırektory Maıkl Vaınstın ákimdik pen atalmysh bank arasyndaǵy kelisim-shartqa qol qoıdy. Mundaı jeńildetilgen zaım túrinde qarjylaı kómek kórsetý jáne tehnıkalyq járdemdesý grantyn berý jónindegi birlesken mundaı shara Qazaqstan boıynsha bul saladaǵy birinshi joba delinýde. Sondaı-aq osy joly qalalyq atalmysh kásiporyn men bank dırektorlary da nesıelik kelisim-shartqa otyrdy. Aqtaý qalasynyń ákimi Sálimgereı Bekbergenovtiń aıtýynsha, eki jylda júzege asatyn jobanyń nátıjesinde qala turǵyndary men meımandary sapaly da taza sýdy paıdalanýǵa múmkindik almaqshy.
Jolaman BOShALAQ, Mańǵystaý oblysy.
SÁTBAEV OQÝLARY – JAS ǴALYMDAR ORTASY. О́tken aptada oblys úshin jaqsy jańalyq – ǵulama ǵalymǵa eskertkish ornatylsa, Sultanmahmut Toraıǵyrov atyndaǵy memlekettik ýnıversıtettiń stýdentteri Qanysh aǵalaryn eske túsirýge arnalǵan jyl saıynǵy dástúrli ǵylymı oqýlaryna jınaldy. Sátbaev oqýlary osymen onynshy ret ótip otyr. Ǵalymnyń týǵan kúni –12 sáýirge oraı uıymdastyrylatyn bul ǵylymı-tájirıbelik konferensııaǵa Reseı, Belarýs, Polsha, Ýkraına joǵary oqý oryndarynyń stýdentteri jáne jergilikti jerdegi mektep oqýshylary jazǵan 200-ge jýyq ǵylymı jumys kelip túsipti. Bul – ózge elder stýdentteri de Sátbaevtyń ǵylymı jańalyqtaryna qyzyǵýshylyq tanytyp, ary qaraı damytýǵa umtylyp otyr degen sóz. Osy shara barysynda birneshe ǵylymı jazba marapatqa usynyldy.
Farıda BYQAI, PAVLODAR.
FÝTBOL MEKTEBINIŃ MAQSATY AIQYN. Kókshetaýda “Oqjetpes” fýtbol klýbynyń negizinde jańa balalar-jasóspirimder mektebi ashyldy. Oblys ákimi Sergeı Dıachenko saltanatqa jınalǵandardy qyzý quttyqtady. Oblys ákiminiń qaýlysymen mektep qaraýyna burynǵy “Fýtbol-hokkeı” klýbynyń ǵımaraty, “Jastar” stadıony berildi. Qazirgi tańda 160 bala (onyń ishinde qyzdar komandasy da bar) 12 jattyqtyrýshydan tálim alýda. Olarǵa barlyq qolaıly jaǵdaılar jasalǵan. Mekteptiń negizgi maqsaty – buqaralyq sport túrin jandandyryp, “Oqjetpes” fýtbol klýbyn talantty jastarmen tolyqtyrý.
Baqbergen AMALBEK, Aqmola oblysy.
AQYNNYŃ QAIYRYMDYLYQ KONSERTI. Belgili aqyn, Jastar syılyǵynyń laýreaty, Mádenıet qaıratkeri Abash Kákenov jaqynda óziniń bir top ónerpaz dostarymen О́skemende “Qysylǵanda qol ushyn ber, aǵaıyn!” atty qaıyrymdylyq konsertin uıymdastyrdy. Keshti oblystyq fılarmonııanyń dırektory, kúmis kómeı ánshi Kenjeǵalı Myrjyqbaı ashyp, osyndaı qıyn kezeńde apat aımaǵyndaǵy aǵaıyndarmen birge ekenin, fılarmonııa ujymynyń bir kúndik tabystaryn arnaıy esep-shotqa aýdarǵanyn habarlap, jınalǵandardy osy aksııaǵa qyzý qatysýǵa shaqyrdy. Altaıdyń belgili ánshi, termeshileri eki saǵat boıy jınalǵandardy án-kúımen sýsyndatty. Búginde Abash bastaǵan ánshiler sý basqan aımaqtarda tegin konsert berýde.
Ońdasyn ELÝBAI, О́SKEMEN.
DIMKÁS BALALARǴA DEMEÝ BOLǴAN AKSIIа. Aqtóbe qalasyndaǵy №5 “Juldyz” shıpajaı-balabaqshasynda týberkýlezge qarsy emdelip jatqan balalar úshin “Bóbek” respýblıkalyq qorynyń qaıyrymdylyq aksııasy ótkizildi. Munda osy aýrýmen aýyratyn, osy syrqattyń belgileri bar balalarǵa Almaty qalasynan 547 keli bal jetkizilip, qaıyrymdylyq kómek kórsetildi. Aranyń baly – taptyrmas dárýmen. Ol ımmýnıtetti kóteredi, týberkýlezge qarsy emdik qasıeti joǵary taǵam bolyp tabylady. Oblystyq balalar quqyqtaryn qorǵaý departamenti aranyń balyn “Shaǵala” shıpajaıyna, №5 “Juldyz” shıpajaı-balabaqshasyna, Qýraıly mektep-ınternatyna, aýdandarda ornalasqan shıpajaılarǵa bóldi. Aksııa barysynda barlyǵy 949 balaǵa kómek kórsetildi. “Bóbek” respýblıkalyq qorynyń prezıdenti Sara Nazarbaevanyń arqasynda ótken jeti jylda oblysqa 2516 keli bal jetkizilip, aýrý búldirshinderdiń as mázirine engizilipti. Aksııa barysynda ata-analar, ustazdar, emdelip jatqan balalar osyndaı qaıyrymdylyǵy úshin Sara Alpysqyzyna ystyq yqylastaryn bildirdi.
Satybaldy SÁÝIRBAI, Aqtóbe oblysy.