Bir kún buryn reseılik áıelden koronavırýstyń erekshe 18 mýtasııasy anyqtalǵanyn jazǵanbyz. Reseılik vırýsologtyń aıtýynsha, onyń antıgeninde prınsıpıaldy mańyzdy ózgerister bolmaıdy, dep habarlaıdy Egemen.kz.Bul týraly RIA basylymy aqparat taratty.
Reseılik vırýsologtar mundaı jaǵdaı elde alǵash ret kezdeskenimen, aldaǵy ýaqytta qaýiptenýdiń qajeti joq ekenin eskertti. Degenmen ǵalym koronavırýstyń jańa nusqalary búkil álemge taralsa, belgili bir erekshelikterge ıe bolýy múmkin ekenin, al ol kezde qaýiptiń kúsheıetinin de atap ótti.
Aıta keteıik, buǵan deıin Ulybrıtanııada SARS-CoV-2 mýtasııasy tabylǵany belgili boldy. Aldyn ala málimetter boıynsha, jańa túrdiń ınfeksııalyq belgileri bar, biraq ólimniń ósýi týraly áli aqparat tirkelmegen.
Ońtústik Afrıkada da vırýstyń mýtasııalanýyna qatysty derekter paıda bolyp jatyr. Eldiń Densaýlyq saqtaý mınıstrligi de buǵan deıin genetıkterdiń «501.V2» dep atalatyn jańa koronavırýstyq mýtasııany anyqtaǵanyn habarlady.
Vırýstyń jańa mýtasııasy paıda bolǵany týraly aqparat tek Ulybrıtanııamen shektelgen joq. Osyndaı málimettermen Brazılııalyq dárigerler de dabyl qaǵýda.
Rabıǵa Nurǵalı