Bul týraly Ulttyq ulanynyń baspasóz qyzmeti habarlady.
Qańtardyń 13-i kúni keshkisin qoǵamdyq tártip pen qaýipsizdikti qamtamasyz etip júrgen Ulttyq ulan 6506 áskerı bóliminiń jaýyngerleri kóshelerdiń birinde órtenip jatqan «Lada Rriora» markaly kóligin baıqaıdy. Patrýldik top jetekshisi qatardaǵy Erǵazy Qaıypov bul týraly dereý áskerı jasaqtar boıynsha kezekshige habarlap, oqıǵa ornyna 101 qyzmetin shaqyrady. О́rt sóndirý toby kelgenshe ulandyqtar aımaqty qorshaýǵa ala bastaıdy.
- Biz kóshe tártibin qadaǵalap júrgenbiz. Kenetten sol jaǵymyzda ornalasqan kóliktiń jana bastaǵanyn kórdik. Oılanatyn ýaqyt bolmady. Birden aımaqty qorshaýǵa aldyq. Adamdarǵa qaýip tónbes úshin dereý qımyldaý kerek boldy, - deıdi qatardaǵy Erǵazy Qaıypov. 20 mınýt kóleminde ulandyqtar órt sóndirý tobymen birge tilsiz jaýmen kúresip, ony tolyqtaı óshirgen. Qazirgi ýaqytta órttiń shyǵý sebepteri anyqtalyp jatyr. Jeńil kólik ıesi áskerılerge jyldam kómekke kelgenderi úshin shynaıy alǵysyn bildirdi.