Farmasevtıkalyq naryqtaǵy kedergiler

Atap aıtqanda, konkýrstyq qaǵıdalardyń biri qatysýshyǵa Qazaqstan Respýblıkasynan tys jerlerde bes jyldan astam farmasevtıkalyq óndi­ris tájirı­besi úshin 2 ball qosýdy kózdeıdi. Kedergiler jónindegi keńestiń múshesi Batyrbek Mashkeev bul shart quqyqtyq turǵydan qysym jasaıtynyn jáne otandyq taýar óndirýshiler arasynda básekelestikti damy­tý­ǵa aıtarlyqtaı kedergi kel­ti­re­tinin aıtady: dál osy 2 ball sheteldik qatysýy bar far­ma­sevtıkalyq óndiristerge qa­zaqstandyq óndirýshiler aldynda artyqshylyqqa ıe bolýǵa múmkindik beredi, sebe­bi odan keıingi konkýrstyq rásimder sheteldik qatysýy bar otandyq taýar óndirýshiler arasynda ótedi.

«SK – Farmasııa» JShS habarlamasy boıynsha qazirgi kezde dárilik zattardy, me­dı­sınalyq buıymdardy jáne mamandandyrylǵan em­dik ónim­der­di satyp alýdy uıym­dastyrý jáne ótki­zý qa­ǵıdalarynyń jobasy ázir­lendi, onda áleýetti ónim berýshilerdiń ótinimine baǵa­laý ólshemsharttary (baldyq júıe) qaıta qaraldy. Áleýetti ónim berýshide nemese onyń quryltaıshysynda el aýmaǵynan tys jerde bes jyldan astam farmasevtıkalyq ón­diris tájirıbesi boıynsha ólshemshart jobadan alynyp tas­taldy. Búginde joba mem­le­ket­tik organdarmen kelisilýde.

Básekelestikti qorǵaý jáne damytý agenttiginiń BAQ-pen ózara is-qımyl jónindegi keńes­shi­si Álııa Rahımovaniń aıtýyn­­sha, «Kedergiler jó­nindegi keńes» kraýdsorsıng alańy Memleket basshysynyń «Halyq únine qulaq asatyn memleket» tujyrymdamasyn iske asyrý sheńberinde quryl­ǵan, eldiń ekonomıkalyq ósýin qamtamasyz etý úshin ózekti bolyp tabylatyn tıisti ta­­ýar naryqtarynda «ádil saý­da» qaǵıdattaryn qam­ta­masyz etý boıynsha obek­tıv­ti usy­­nystar ázirleý úshin na­ryq­tarǵa kirý boıynsha shek­teý­ler­di anyqtaýǵa, sa­rap­­tamalyq qo­ǵam­dastyqtyń bá­se­ke­le­s­tikti bur­malaýǵa túr­li fak­tor­lar­dyń áserin baǵalaýǵa jáne sa­rap­taýǵa baǵyttalǵan.