Shymkent qalasynda barlyq turǵyn alaptar men shaǵynaýdandardy qamtıtyn jańa marshrýttyq jeli ázirlenip, bekitildi. Búginde qalada 68 baǵyt qyzmet kórsetedi. Jolaýshylar kóligin damytýdyń keshendi shemasyna sáıkes, baǵyttardyń sany 78-ge deıin artady. Syzba boıynsha qalanyń barlyq bólikterin jolaýshylar baǵyttarymen baılanystyratyn 6 HUB anyqtaldy, dep habarlaıdy Egemen.kz.
Búginde shaharda turǵyn alaptar qoǵamdyq kóliktermen qamtylyp, birqatar máseleler oń sheshimin tapty. Atap aıtqanda, Soltústik saıajaı shaǵynaýdanyna (№ 108a jańa avtobýs), Qaınarbulaq (saıajaı) shaǵynaýdany (№ 70 avtobýs), Qursaı shaǵynaýdany (№ 21 avtobýs), Yntymaq- 2 shaǵynaýdany (№ 55 avtobýs), Asar, Aqjaıyq shaǵynaýdany (№108 avtobýs), Jalyn, Juldyz, Qarabastaý turǵyn alaby (№191 avtobýs), Agroferma shaǵynaýdany (№ 96 avtobýs marshrýt) jáne Qaıtpas shaǵynaýdanyna (№ 42 jańa avtobýs) jańa avtobýstar qatynaýda.
Bıyl áleýmettik mańyzy bar baǵyttardy sýbsıdııalaý júrgiziledi. 2020 jyly 5,7 mlrd teńgege 28 marshrýt sýbsıdııalanǵan. 2021 jyly 36 baǵytqa (9,3 mlrd teńge) sýbsıdııa tólenedi.