AQSh prezıdenti Djo Baıdenniń ınaýgýrasııasy qarsańyndaǵy aptalyqtyń ashylýyna arnalǵan saltanatty keshte Dımash Qudaıbergen «Samaltaý» halyq ánin oryndady. Baýyrlas qalalardyń halyqaralyq qaýymdastyǵy – Sister Cities International uıymy ótkizgen is-shara pandemııaǵa baılanysty onlaın rejimde boldy.
Ataýly merekege gýbernator Bıll Anabýttı, Djozefına Bıvers, general-maıor Armando Kabada, kongressmen Eleonora Holms Norton, maıor Tım Keller, senator Bob Menendez, AQSh teńiz orkestri, Kerol Robertson Lopez jáne taǵy basqalar qatysty.
SCI bas dırektory Leroı Allala óz sózinde qazaq ánshisiniń shyǵarmashylyǵy álem halyqtaryn, olardyń mádenıeti men tilin biriktiretinin atap ótti. Munyń bári Prezıdent Eızenhaýerdiń elder arasynda beıbit qarym-qatynas ornatý týraly kózqarasynyń ajyramas bóligi. Sonymen qatar Dımashtyń 20 qańtarda Sister Cities International resmı saıtynda taǵy bir án oryndaýy kórsetiletindigi jarııalandy. Sondaı-aq ol SCI ókilderine ınaýgýrasııa aptalyǵyna shaqyrǵany úshin alǵys aıtty.
Dımash – AQSh prezıdentin ulyqtaý saltanatynda Qazaqstannan óner kórsetken tuńǵysh ánshi ekenin aıta keteıik.