Erekshe qajettiligi bar adamdar úshin eGov portalynda 6 jańa qyzmet iske qosyldy. Bul týraly Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın málim etti, dep habarlaıdy Egemen.kz
«Jaqynda biz erekshe qajettilikteri bar adamdar úshin taǵy 6 jańa qyzmetti iske qostyq. Endi, eGov portalynda ymdaý tili mamany, jeke kómekshi nemese sanatorıı-kýrorttyq emdelý qyzmetterine tapsyrys berýge bolady. Sondaı-aq, mindetti gıgıenalyq quraldarǵa tapsyrys, kreslo arbalar, estý apparattary, protezder jáne taǵy basqa qyzmetter qoljetimdi boldy», - dep jazdy mınıstr Facebook paraqshasynda.
Onyń aıtýynsha, barlyǵy yńǵaıly ári ońaı. Qajetti qural men arbany alý maqsatynda HQO-da kezekte turýdyń qajettiligi joq. Bar bolǵany, eGov portaly arqyly tapsyrys bergen adamǵa Qazposhta kýrerleri barlyǵyn jetkizedi.
«Bizge jańa engizilimder týraly muqtaj adamdardyń bilgeni mańyzdy jáne oǵan kómektesetin jigitter bar ekendigi qýantady. Onyń sebebi, Instagram jelisinde meni @qazymcenter jigitteri belgilep, eGov portalynda qoljetimdi qyzmetter týraly rolıkter túsiripti. Osy aýqymdy jumysy úshin olarǵa alǵysym sheksiz!» - deıdi mınıstr.