Beısenbi kúni tańerteń Baǵdadtyń ortalyǵyndaǵy eki jarylystan kem degende 28 adam mert bolyp, taǵy 73 adam jaraqattandy. Bul – eldegi sońǵy eki jylda bolǵan alǵashqy oqıǵa.
Densaýlyq saqtaý ókilderi qaıtys bolǵandar sany budan da kóp bolýy múmkin ekenin aıtyp otyr. Eki jankeshti ózderin qaýipsizdik kúshteri qýyp kele jatqanda jarylǵysh zattardy jaryp jibergen.
Qaladaǵy sońǵy terrorlyq shabýyl 2018 jyldyń qańtarynda, dál osy alańda bolǵan, onda 35 adam qaza tapqan. Áli eshqandaı top jaýapkershilikti óz moınyna alǵan joq.
Sarapshylar Irak turǵyndary úshin bul qaýipsizdik kúshterine degen senimge nuqsan keltiretin jáne geosaıası, ekonomıkalyq jáne pandemııamen baılanysty shıelenisti odan saıyn arttyratyn oqıǵa dep baǵalap otyr.
Jaraqat alǵandardyń kóbiniń hali aýyr delingen densaýlyq saqtaý ókilderi bergen málimdemede.
Daıyndaǵan
Rabıǵa NURǴALI