QR Eńbek jáne halyqty áleýmettik qorǵaý mınıstriniń buıryǵymen Aıda Dádenqyzy Qurmanǵalıeva Qazaqstan Respýblıkasynyń Eńbek jáne halyqty áleýmettik qorǵaý mınıstrligi apparatynyń basshysy qyzmetine taǵaıyndaldy. Bul týraly QR Premer-Mınıstriniń Baspasóz qyzmeti habarlaıdy.
Aıda Qurmanǵalıeva 1970 jyly Qyzylorda oblysynda dúnıege kelgen. 1993 jyly Qazaq memlekettik basqarý akademııasyn bitirdi. Eńbek jolyn 1988 jyly «Qazagroónerkásip» respýblıkalyq tresiniń tehnıkalyq qyzmetkeri bolyp bastaǵan.
Ár jyldary qarjy, ekonomıka jáne bıýdjettik josparlaý mınıstrlikterinde jumys istedi. 2010-2013 jyldary — QR densaýlyq saqtaý vıse-mınıstri.
2013-2014 jyldary — QR Eńbek jáne halyqty áleýmettik qorǵaý mınıstrliginiń jaýapty hatshysy. 2014-2017 jyldary — QR Densaýlyq saqtaý jáne áleýmettik damý mınıstrliginiń jaýapty hatshysy.
2017 jyldan 2021 jyl aralyǵynda — QR Eńbek jáne halyqty áleýmettik qorǵaý mınıstrliginiń jaýapty hatshysy.