Shymkent sırkinde janýarlarmen óner kórsetý toqtatylady degen aqparat jalǵan bolyp shyqty. Sırk ákimshiliginiń aıtýynsha, aqparat taratýda túsinispeýshilik oryn alǵan, dep habarlaıdy Egemen.kz
Buǵan deıin Shymkent sırki aldaǵy ýaqytta janýarlarsyz óner kórsetetini týraly aqparat taratqan edik. Anyqtalǵandaı bul tek naýryz aıyndaǵy qoıylymǵa ǵana aıtylǵan málimdeme bolyp shyqty. Odan keıingi shoý baǵdarlamalar qalalyq sırk janýarlarynyń qatysýymen óte beredi.
Sırk basshylyǵynyń aıtýynsha, olardyń janýarlarmen jumys isteýden bas tartatyn oılary joq. Munda ańdar úshin qajetti jaǵdaıdyń bári jasalǵan.
Sırk ákimshiligi qazir jańa nómirler men úlken shoý daıyndalyp jatqanyn da atap ótti. Mamandardyń aıtýynsha, sırkten tys jerde janýarlar uzaq ómir súre almaıdy. О́ıtkeni olar ózderin jattyqtyrýshy ıelerine baýyr basyp qalǵan.
Aıda ORALBEK