Germanııadaǵy sharýalar Berlınde sherýge shyqty, dep habarlaıdy Egemen.kz «Habar 24-ke». silteme jasap.
Olar el astanasyna traktormen kelgen. Ereýilshilerdiń talaby ártúrli. Biri otandyq aýyl sharýashylyq ónimderin satyp alýǵa qoldaý surasa, basqalary nıtrattardy toqtatyp, olardyń ornyna bıoónimder ósirýdi talap etti. Budan basqa, sharýalar memleket tarapynan beriletin qarjylaı kómektiń indet kezinde berilmeı jatqanyn aıtyp, shaǵymdanǵan. Olar aýyr tehnıkamen ortalyq kóshelerdi jaýyp, kólik keptelisin týdyrýǵa árekettendi. Sosyn ári qaraı Tabıǵatty qorǵaý mınıstriligine bardy. Narazy top bılik talap-tilekterine qulaq aspaıynsha, apta boıy úıge qaıtpaımyz dep bekingen.
Iаn Hennıngdırks, sharýa:
– Bizge qolaıly jaǵdaı jasaıtyn jańa zańder kerek. Budan ári tóze almaımyz degimiz keledi. Barlyq tarap bir ústeldiń basyna otyryp, ádil báseke, ónimderimizdiń baǵasy, tyńaıtqyshtardy qoldaný men klımatty qorǵaý máseleleri boıynsha kelissózder júrgizýi kerek. Meniń esebim boıynsha, Berlınge myńǵa tarta adam men eki júz traktor keldi. Barlyǵy sharýasyn tastap, bir ýaqytta jınala almaıdy. Sondyqtan jumysty da istep úlgerý úshin apta ishinde aýysyp otyramyz.