Arqalyq qalasynyń qutqarýshylary qudyqqa qulap ketken jylqyny qutqaryp qaldy. Qalanyń shetinde tebindep júrgen janýar sý ishpek bolyp ashyq jatqan tereńdigi 2 metr qudyqqa moıyn sozǵanda tuıaǵy taıyp ketse kerek.
«23 qańtar kúni saǵat 15:29-da Arqalyq qalasynyń TJ bólimine qońyraý shalǵan kezdeısoq jolaýshy jylý elektr ortalyǵy mańyndaǵy tehnıkalyq qudyqqa jylqy qulap ketkenin habarlady. Qutqarýshylar oqıǵa ornyna saǵat 15:36-da jetti. Mal ıesi de qudyq basynda júr eken. Qutqarýshylar men turǵyndar ábden álsirep qımyldan qalǵan jylqynyń moınyna arqan laqtyryp, aldyńǵy aıaqtaryn orap, janýardy qudyqtan shyǵardy. Abyroı bolǵanda, jylqy aman, sulq túsken qalpy sál jatty da, kúsh jınap alǵan soń, úıirine qaraı ketti», dep málimdedi oblystyq TJD baspasóz qyzmeti.
Qostanaı oblysy