2020 jyly elimizde bir jyl burynǵy kórsetkishpen salystyrǵanda 24 739 sábı artyq dúnıege keldi. Bul týraly Ana ólimin azaıtý boıynsha shuǵyl sharalar qabyldaý jónindegi respýblıkalyq shtabtyń kóshpeli otyrysynda aıtyldy, dep habarlaıdy Egemen.kz Densaýlyq saqtaý mınıstrliginiń baspasóz qyzmetine silteme jasap.
Respýblıkalyq shtabtyń kóshpeli otyrysyn Aqtóbe oblysyna saparmen barǵan Densaýlyq saqtaý vıse-mınıstri Ajar Ǵınııat ótkizdi.
Keńeske 17 óńir ákiminiń orynbasary, densaýlyq saqtaý basqarmalarynyń basshylary jáne olardyń bosandyrý isi boıynsha orynbasarlary, AGPǴO jáne ABUO, medısınalyq JOO kafedrasynyń meńgerýshileri, medısınalyq uıymdardyń basshylary qatysty.
2020 jyly bosanǵandar sany ótken jyldyń sáıkes kezeńimen salystyrǵanda 22 298-ge artyp, 24 739 bala týdy, júkti áıelder sany ótken jyldyń sáıkes kezeńimen salystyrǵanda 21 147-ge kóp.
A.Ǵınııat atap ótkendeı, Memleket basshysy el aldyna analarǵa sapaly medısınalyq kómek kórsetý boıynsha jańa mindetter júktedi. Prezıdent perzenthanalarda jaǵdaıy aýyr naýqastardy emdeýge arnalǵan jabdyqtar men shyǵyn materıaldary jetkiliksiz bolǵandyqtan, ana óliminiń deńgeıi joǵary ekenin aıtqan edi.
«Memleket basshysy Úkimetke óńir ákimderimen birlesip, barlyq densaýlyq saqtaý uıymdaryn qaıta qaraýdy tapsyrdy. Sonymen qatar, bosandyrý jáne reanımasııa qyzmetterine nazar aýdarý, olardy medısınalyq jabdyqtarmen, dári-dármekpen jáne buıymdarmen jabdyqtaý boıynsha sharalar qabyldaýdy buıyrdy», dedi vıse-mınıstr.
Qazaqstan Respýblıkasynyń aldynda qyzmet kórsetý sapasyn jaqsartý jáne ana densaýlyǵyn qorǵaý salasynda úlken jáne kúrdeli mindetter tur. Álemniń barlyq elinde, sonyń ishinde Qazaqstanda, COVID-19 pandemııasy saldarynan densaýlyq saqtaý júıesiniń jumysy aýyrlady, birinshi kezekte áıelderge kórsetiletin medısınalyq kómek zardap shekti, saldarynan elimizde analar arasyndaǵy aýrý men ólim-jitim ósti.
«Byltyr jazda ana ólimi kúrt ósti jáne bul COVID-19 koronavırýs ınfeksııasy aýrýynyń asqynýymen baılanysty, osy kezeńde ana ólimi jalpy qaıǵyly jaǵdaıdyń 66% qurady», dedi A.Ǵınııat.
Respýblıkalyq shtab otyrysy barysynda mınıstrliktiń ana men bala densaýlyǵyn qorǵaý departamenti Analar densaýlyǵyn qorǵaý basqarmasynyń basshysy Sháhızat Halyqova, medısına ǵylymdarynyń doktory, professor, «Áıelder densaýlyǵy» departamentiniń dırektory Gaýrı Bapaeva jáne «Akýsherııa, gınekologııa jáne perınatologııa ǵylymı ortalyǵy» AQ Basqarma tóraıymy Dınara Myrzahmetova baıandama jasady.
Keńeste jaǵdaıy aýyr júkti áıelderdiń problemasy jáne ólim-jitim, sheshý joldary qaraldy. О́ńirlerge júkti, bosanatyn jáne bosanǵan áıelderge medısınalyq kómek kórsetý sapasyn jaqsartý boıynsha usynystar aıtyldy.
A.Ǵınııat ákimderdiń orynbasarlaryna medısınalyq uıymdardaǵy materıaldyq-tehnıkany jaqsartý, olardy zamanaýı medısınalyq jabdyqtarmen, kadrmen qamtamasy etý, medısınalyq kómek kórsetýdi uıymdastyrý deńgeıin arttyrýdy tapsyrdy.