TARTYMDY О́TKEN SABAQ TAǴYLYMDY

Mektep jasyndaǵy balalardy tárbıeleýde erekshe yjdahattylyq pen yqylas qajet. Osy rette biz “Yby­raı – balalar ádebıetiniń ata­sy” degen taqyrypta ashyq sa­baq ótkize otyryp, qazaqtyń tuń­ǵysh aǵartý­shysy, jaryq juldyzy atanǵan ǵalym-ustaz Ybyraı Al­tyn­sarınniń ómiri men eńbekterin oqytý arqyly eńbekke, shyǵarma­shy­lyqqa, oılam­paz­­dyqqa úıretýdi qolǵa alyp kelemiz. Ashyq sabaqtyń maqsaty da osynda jatyr. Qazaq halqynyń aǵartýshy ustazy arqyly halqy­myz­dyń ulttyq qasıeti men adam­ger­­shiligin ashyp kórsetý. Jáne de urpaqty izgilikke, meıirimdilikke, birtýar adamdaryn qurmetteýge, úlgi alyp úırene bilýge baýlýdy basshy­lyqqa aldyq. Y.Altynsarınniń sýretteri men slaıd kórsetilimi jáne de ustazdyń izbasarlarynyń sýret­teri: Ahmet Baıtursynov, Mirjaqyp Dýlatov jáne Spandııar Kóbeev ar­qyly jan jaqty túsin­dirýge tyrys­tyq. Bezendirilgen kór­nekilikter arqyly jáne áńgi­me­lesý ádisimen, biletinin aıtqyzý úshin suraq-jaýap túrinde balany únemi yntalandyryp otyrý qajet. Sonda ǵana oqýshy múmkindiginshe sabaqqa atsalysýǵa ty­ry­sady. Ulaǵatty ustazdyń “Ha­lyq mektep­teri úshin eń kerektisi – muǵalim” deýi bolashaq urpaqty tár­bıeleýde muǵalimniń alar orny erek­she eken­digin kórsetedi. Shynyn­da da, ustaz qoǵam aınasy ispettes. Qoǵam­nyń qandaı bolyp qalyp­ta­sýyn­­da ustazdardyń alar orny erek­she. Osy rette Ybyraı Altyn­­sarın­niń taǵy bir sózine júginelik: “Tama­sha jaqsy pedagogıka qural­dary da, eń jaqsy úkimet buıryqtary da, ábden muqııat túrde júrgiziletin ıns­pek­tor baqy­laýy da muǵalimge teń kele almaıdy”, deıdi. Osy arqyly biz aǵartýshy us­taz­dyń muǵalimderge degen iltıpatyn kóremiz, onyń máni­sin joǵaryda ashyp kórsetýge tyrys­tyq ta. Endigi másele uly ustazdyń tálimdi qasıet­terin, onyń balalarǵa arnaǵan shy­ǵar­malaryn oqýshylarǵa barynsha ashyp kór­setý bolsa, oǵan jańadan muǵalim­dik oqýyn bitirip kel­genderdi de jumyldyrýǵa týra kel­di. Ondaǵy oı kórsin, bilsin jáne úırensin. Ashyq sabaqtyń ótkizilý máneri balalarǵa oı salyp, olardyń bo­ıynda úlken áser qaldyra­tyndaı bolýyn basty nazarda ustandyq. Ol úshin topty úshke bólip, olardyń arasynda bilim saıysy uıymdas­tyryldy. Sonyń nátıjesinde, ba­la­lar Ybyraı atalarynyń óz zama­nynda nendeı zattardy qoldan­ǵany, mektebiniń sulbasy qandaı bol­ǵanyn kóz aldaryna elestetip, qaǵaz betine túsirdi. Ekinshi top onyń áńgime, ertegilerin qulshyna áńgime­lese, sońǵy toptaǵylar óleń­derin jatqa aıtyp jatty. Munyń barly­ǵy da balalardyń boıyndaǵy bilim­ge degen yqylasty qulshyny­syn oıatyp, qushtarlyqtaryn ushtaı túsedi. Oqýshylar Ybyraı ashqan mektepterde ǵalym-aǵartýshylar A.Baıtursynov pen M.Dýlatovtar­dyń, aqyn-jazýshylar S.Máýle­nov, Ǵ.Qaıyrbekov, Q.Jarmaǵan­betov, Q.Sársekeev, S.Kenjeah­metov, S.Ospanov, S.Turǵynbekov sııaq­ty elge belgili tulǵalar oqy­ǵan­dyǵyn bilip, keńinen maǵlumat­tar aldy. Qoryta aıtqanda, Y.Altyn­sarın­niń isi balalarǵa ǵana emes, búkil qoǵamǵa úlgi bolýy shart. О́ki­nishke oraı, qazirgi kezde osyndaı ulaǵatty ustazdardyń jetispeýshi­ligi baıqalyp otyr. Bul urpaqtar sabaq­tastyǵynyń kezinde úzilip qalǵan­dyǵynan bolsa, endigi másele sony qalpyna keltirip, ustazdyq qyzmetti mereıli etý mindeti tur. Bul baǵytta bizdiń basty úmit ar­tary­myz osy oqýshylar, biz solar­dyń boıyna durys tárbıe sińire bilýimiz kerek. Bolashaq búginnen bastalady dep tegin aıtylmasa kerek. Gúlbaný SÁBDENOVA, №27 mektep-lıseıiniń muǵalimi. ASTANA.